Popular Bible Verses from Yohani 19

Share

Loko Yesu anwile, akuma lesvaku i ntsuvi, aku: “Svihetisekile.” Kutani akorhamisa nhloko, afa.

Yesu, hi kutiva lesvaku svilo hinkwasvu svihetisekile, aku: “Ni ni torha”, kuli kuhetisa Matsalwa.

Yesu avona mamana wa yena, avona ni mujondzisiwa lweyi aamurhandza na ayimile kusuhi na yena, kutani aku ka mamana wa yena: “Wansati, vona, n'wana wa wena hi lweyi!” Kutani aku ka mujondzisiwa: “Vona, mamana wa wena hi lweyi!” Kusukela nkarhi wolowo, mujondzisiwa lweyi amuyamukela, amurhurhela kaya ka yena.

Kutani vata ka Yesu, kambe loko vavona lesvaku afile, avamutshovanga milenge. hambi svilitano, mun'we wa masochwa amutlhava rheve hi tlhari, kutani hi nomo-lo kuhuma ngati ni mati.

Hakunene timhaka leti tihumelelile lesvaku Tsalwa rihetiseka, leringe: “Aku na rhambu ni rin'we ra yena leringatatshoviwa.” Nakambe Tsalwa rin'wana rili: “Vatahlalela lweyi vamutlhaveke.”

kutani ahuma na atirwalele xihambanu xa yena, aya ndhawini leyi avaku i “Ndhawu ya Pala”, leyi hi Xiheberu vange i “Gologota”.

Kutani masochwa maluka hari ya mintwa, mayitlhanteka nhlokweni ya yena, mamuyambexa xiyambalu xovangama xa xivunguvungu