Popular Bible Verses from Yohani 15

Share

Hi mina nsinya wa mvhinya; n'wina mimarhavi. lweyi atshamaka ka mina, kukota lesvi na mina nitshamaka ka yena, aveka mihandzu yotala; hikuva handle ka mina mingakala mingakoti kuyendla nchumu.

Tshamani ka mina, kukotisa lesvi na mina nitshamaka ka n'wina. Tani hi lesvi rhavi ringakotiki kuveka ha roxe loko ringanamarhelanga ka nsinya, na n'wina mingesvikoti loko minganinamarhelanga.

Loko mitshama ka mina, ni loko marito ya mina matshama ka n'wina kombelani hinkwasvu lesvi misvirhandzaka, kutani mitayendleliwa svona.

Ahi n'wina minihlawuleke; hi mina nimihlawuleke, kutani nimivekile lesvaku miya, miyaveka mihandzu, ni lesvaku mihandzu ya n'wina yiva kona masiku hinkwawu; kutani hinkwasvu lesvi mingatasvikombela ka Tatana hi vito ra mina, ataminyika svona.

Aku na munhu lweyi anga ni rirhandzu leritlulaka ra lweyi anyiketaka vutomi bza yena hikolaho ka vanghanu.

Rhavi rin'wana ni rin'wana leringa ka mina, leringavekiki mihandzu, warisusa; kambe rin'wana ni rin'wana lerivekaka mihandzu, warichaputela risaseka, lesvaku ritaveka mihandzu yotala.

Nawu wa mina hi lowu: Hi lesvaku mirhandzana, kukotisa lesvi na mina nimirhandzeke.

Tatana wa mina adzunisiwa hi loko miveka mihandzu leyotala, kukombisa lesvaku mivajondzisiwa va mina va ntiyiso.

“Hi mina nsinya wa xiviri wa mvhinya; murimi i Tatana wa mina.

Mani na mani lweyi angatshamiki ka mina, wa cukumetiwa handle tani hi rhavi leriomeke. Marhavi lawa yotanu mahlengeletiwa, kutani mahoxiwa ndzilweni mapsha.

“Nimibzelile timhaka leti, lesvaku kutsaka ka mina kuva ka n'wina ni lesvaku kutsaka ka n'wina kuva loku kuhetisekeke.

Loko mihlayisa milawu ya mina, mitatshama arirhandzwini ra mina, hilaha na mina nihlayiseke milawu ya Tatana wa mina, kutani nitshama arirhandzwini ra yena.

Lesvi nimibzelaka svona hi lesvaku mirhandzana.

Loko amili vanhu va misava, misava ayitarhandza sva yona. Kambe lesvi n'wina mingaliki va misava, ni lesvi nimihlawuleke ka yona, vanhu va misava vamivenga.