Popular Bible Verses from Luka 14

Share

“Ule anafuna kunditowera, mbakhonda kundifuna kupiringana baba wace na mai wace, nkazace, anace aamuna na aakazi, abale ace aamuna na aakazi, peno mbakhonda kundifuna kupiringana moyo wace, nkhabe kwanisa kukhala nyakupfundza wanga.

Pontho ule anakhonda kukwata ntanda wace mbanditowera, nkhabe kwanisa kukhala nyakupfundza wanga.”

Thangwi ule anapikuza, anadza kacepeswa. Ulembo anapicepesa, anadza kakuzwa.”

Na tenepo, nkhabe m'bodzi wanu anakwanisa kukhala nyakupfundza wanga, angakhonda kusiya pyonsene pina iye.

“Ngakhala m'bodzi wanu asanyerezera kumanga nyumba yakulapha pikulu kakamwe, cakutoma nkhabe kukhala pantsi mbatoma kuona pinafuna kubvunga iye, toera angamala aone ngakhala kobiri zace zinakwana? Thangwi angakhonda kucita penepi, iye anaikha nchici, mbwenye anacimwana kuimalisa nyumba. Penepo, onsene adaona pidacitika, anatoma kunseka mbalonga tenepa: ‘Mamuna uyu aitoma nyumba, mbwenye acimwana kuimalisa!’

Mbwenye iwe ungacita phwandu, cemera anyakucherenga, anyakulamala, anyakuchikama na maboli-boli. Tenepa iwe unadza katsandzaya, thangwi iwo anacimwana kukubwezera pire pidaacitira iwe. Mbwenye, unapaswa muwoni wako pa kulamuka pa kufa kwa anyakulungama.”

“Munyu ngwadidi, mbwenye ungasuluka unadza kadzipa tani pontho? Nkhabe basabve ibodzi inafuna kucita iwo, peno pa mataka, peno kupasa ndimu mataka. Unakwatwa mbutayiwa kunja. “Ule ana makutu a kubva, mbabve.”