Popular Bible Verses from Mabasa a Apoxtolo 2

Share

Pedhru aatawira tenepa: “Chunyukani madawi anu, m'bodzi na m'bodzi atambire batixmu na dzina ya Yezu Kirixtu, toera mulekererwe madawi anu. Na tenepo, munadza katambira muwoni wa Nzimu Wakucena.

Onsene akhakakamira pa cipfundzo ca apoxtolo, mbakhakoya pyonsene pikhapfundziswa iwo, pa kuphatana kwawo muubale, pa kumenya nkate wa Mbuya, na pa kuphembera.

Onsene adzala na Nzimu Wakucena, mbatoma kulonga malongero a kusiyana-siyana, ninga mukhapaswa iwo na Nzimu Wakucena.

Na mwansanga, kudzulu kwatitimira ninga conzi ca mphepo ikulu, conzi ceneci mbacidzadza n'nyumba monsene mukhakhala iwo nawa-nawa. Penepo, onsene atoma kuona pinthu pyakulandana na malirimi a moto, adamwazika mbaphamira m'bodzi na m'bodzi. Onsene adzala na Nzimu Wakucena, mbatoma kulonga malongero a kusiyana-siyana, ninga mukhapaswa iwo na Nzimu Wakucena.

Ntsiku zonsene, akhagumanyikana pabodzi pene mu Nyumba ya Mulungu. Akhamenya nkate wa Mbuya m'manyumba mwawo, pontho mbakhadya pyakudya pyawo na kukomerwa, na ntima wa kucepeseka. Akhakuza Mulungu, mbakhasimbwa na anthu onsene. Ntsiku na ntsiku Mbuya akhauthimizira nsoka wawo na anthu ale akhapulumuswa.

“ ‘Mulungu alonga kuti pa ntsiku zakumalisa, ndinapasa Nzimu wanga anthu onsene. Ana anu amuna na akazi, analonga ciporofeta. Aphale anaoneswa pinthu mu Nzimu, mankhalamba analoteswa.

Onsene ale akhatawira, akhali anthu akuphatana, pontho pyonsene pikhakhala na iwo, pikhali pya iwo onsene. Akhagulisa pinthu pyawo na mpfuma zawo mbagawana onsene, mbakhalang'ana kusowa kwa m'bodzi na m'bodzi.

Na tenepo, onsene ale anacemera dzina ya Mbuya, anadza kapulumuswa!’ ”

Mbidzati kufika ntsiku ikulu na ya mbiri ya Mbuya, dzuwa inadza cidima, mwezi unadza ciropa.