Popular Bible Verses from Mat 24

Share

Ûthûûku bûkaingîa na bûtûme wendo bwa babaingî bûnyiie. Îndî ûrîa ûkomîîria mwanka mûthia nîwe ûkoonokua.

Ningî Nteto Injega cia Ûnene bwa Mûrungu igatûmîîrua nthîgûrûûne yonthe irî ûkûûjî kîrî mîgongo yonthe. Rîu mûthiro jwa nthîgûrû jûgakinya.

Bûkaigua nî gûkûrûûwa ndwaa akuî na kinya kûraaja, îndî bûkámaka. Mantû ta jau no mwanka jakarîke, îndî mûthiro jûtîrakinya.

Nthîgûrû îkarwaa na îngî, na ûnene bûrwee na bûngî. Gûkeethîrwa kûrî na mpara na kwinaina kwa nthîgûrû gûntû gûkwingî. Mantû jaja jonthe jakeethîrwa jakari ta mûrîmo jûrîa mûka aigagua mbere ya agîa na mwana.

Îgûrû na nthî bikathira, îndî nteto ciaakwa igatûûra kenya na kenya.

Antû babaingî bakeeja bakîgwetaga riîtwa rîaakwa bakiugaga atî nîbo Mesia. Nabo bakaaîria antû babaingî.

“Îgiita rîu bakabûnenkanîîria bûthangîkue na bûûragwe. Bûkathûûrwa nî antû bonthe nîûntû bwa riîtwa rîaakwa. Ningî nî babaingî bagatîga gwîtîkia Mûrungu, na baambîîrie gûkunyananîra na kûthûûrana bongwa. Iroria bibingî bia ûrongo bikeeja nabio bikaaîria antû babaingî.

Jesû arabacokeria, “Imenyagîîreni bûtîkeeje kwaîrua nî muntû kinya ûrîkû.

Tontû bûû, kinya buî kareni bwithuranîrîte nîkwîthîrwa Mûtaana wa Muntû akeeja thaa irîa bûtîmwîrîgîrîte.”

Tontû bûû, kareni bwithuranîrîte, nîûntû bûtiijî ntukû îrîa Mwathani weenu agacoka.

“Gûtî muntû wiijî ntukû kana thaa irîa mantû jaja jagakarîka. Araîka na kinya Mûtaana batiijî îndî nî Baaba wenka wiijî.

Nîkwîthîrwa Mesia ba ûrongo na iroria bia ûrongo bikeeja. Bikariinga biama bibinene na bathithie mantû ja kûrigaria nîkenda këethîra kwombîka batûma antû barîa Mûrungu athuurîte bangaratana wîtîkioone bwaao.

Rîrîa Mûtaana wa Muntû akeeja gûkeethîrwa gûkari ta ûrîa gwakari îgiita rîa Noa. Mbere ya ngai ya maburiko yuura, antû nî barîîjaga na bakanyua, na bakagûrana na bakagûrwa, mwanka ntukû îrîa Noa aakûrûkîre sabineene. Antû batamenyaga jarîa jeetaga na mbere, mwanka rîrîa mûguû jweejîre jûrabakondoria bonthe. O ûu nîu gûgakara rîrîa Mûtaana wa Muntû akeeja.