Popular Bible Verses from Mat 13

Share

Mbeeû irîa ciaagwîre mûthetuune jûmûnoru nî ngerekano ya antû barîa baigagua nteto cia Mûrungu na bagaciciûra, na bagaciara maciara; bamwe bagaciara mainda îgana, bangî mainda mîrongo îtantatû na bangî mainda mîrongo îthatû.”

Mbeeû irîa ciaagwîre antû arîa aarî na miigua, nî ngerekano ya antû barîa baigagua nteto cia Mûrungu îndî nîûntû bwa kûmakîra ûrîa bagatûûra na kwenda kwaa itonga, gûkaangaratania nteto iu, na bakaremwa kwîthîrwa barî na maciara.

Mbeeû irîa ciagwîre njîreene nî ngerekano ya antû barîa baigagua nteto ciegiî Ûnene bwa îgûrû îndî bakaremwa gûciûra. Nkoma akeeja na akathara kîrîa kîandi nkoroone ciaao.

Mbeeû irîa ciaagwîre maigeene, nî ngerekano ya antû barîa baigagua nteto cia Mûrungu na bageetîkia na mpwîî bagwîrîtue. Îndî nîûntû nteto iu itîthagîrwa iriki ndeene yaao, boomagîîria îgiita rîrîkai. Îndî rîrîa mîthangîko kana mathîîna jabeejîîra nîûntû bwa gwîtîkia nteto iu, nî batigaga gwîtîkia nteto iu ntûti.

“Ûnene bwa îgûrû bûkari ta ûtonga bwithi kîthakeene, bûrîa muntû oonere na arabûriinda kaîrî. Agwîrîîtue areeta areendia bionthe birîa aarî nabio areeta kûgûra kîthaka kîu.”

Mbeeû ingî nî ciaagwîre mûthetuune jûmûnoru, nacio irauma na imwe iraciara mainda îgana rîmwe, na ingî iraciara mainda mîrongo îtantatû, na ingî iraciara mainda mîrongo îthatû.

Tiganeni nacio ikûranîrie mwanka îgiita rîa maketha. Îgiita rîu nkeera barîa bagûkeetha baambe boothûranie nthangari bakîmîogaga ikundi ikundi nîkenda îîthua. Îndî bakethe nkano baciîke nchukuune yaakwa.’”