Popular Bible Verses from Luk 8

Share

Ningî irîa ciagwîre mûthetuune jûmûnoru, nî antû barîa baigagua rûteto barî na nkoro injega itî na waayia, na bakoomîîria mwanka rûteto rûkarika rûkaagîria mîîtîre yaao.”

Mbeeû irîa ciagwîre antû arîa aarî na matî jarî na miigua, nî antû barîa baigagua rûteto, îndî bagaatîkwa nî mîruuru na mootonga na kûgwîrîrua mîago ya ûtûûro bûbû, mwanka rûteto rûkaremwa gûkûra ndeene yaao.

Mbeeû irîa ciagwîre iigeene nî barîa baigagua rûteto na bakarûgwata bagwîrîtue, îndî batîrûrikie nkoroone. Beetîkagia kagiita gagakai îndî magerio jabeejîîra, bagatigana na wîtîkio.

Rîu aroorîa aritwa baawe atîrî, “Bûrîkû wîtîkio bweenu?” Nabo baramaka na bararigara mono bakîîranaga, “Muntû ûû ka arî ûû we ûkwarîria ruuo na rûûjî na bikamwathîkîra?”

Mbeeû irîa ciagwîre njîreene nî barîa baigagua rûteto, rîu Nkoma akarita rûteto rûu kuuma nkoroone ciaao, nîkenda batîîtîkia beeja kwonoka.

Nîkwîthîrwa gûtî ûntû bûrî withoone bûtîmenyekana na gûtî ûntû kinya bûrîkû bûthithagîrua muunduune bûtîmenyekana.

Rîrîa mûka ûu oonere atî akûmenyekana, areeta akiinainaga, na araigwîthia nthî mbere ya Jesû. Arî mbere ya antû bonthe arauga kîrîa gîatûmîre amûringithia na ûrîa aabuîre ntûti. Jesû areera mûka ûû, “Mwarî, wîtîkio bwaaku bûgûtûma wabua. Ciîtîre na thîîrî.”

Aritwa bareeta kîrî Jesû na baramwîra, “Mwathi weetû, Mwathi weetû tûrî akuî gûkua!” Nawe arookîîra na arakiria ruuo na mîgombe ya rûûjî îratiga kûringa gîtarû.