Popular Bible Verses from ROMANIK 12

Share

Amoyaniege ateptab betusiechu: ago ingewalak eng’ kaleelitetab kabwatutikwok, si kobiit onai komie maget ne mie, ne tachaksei ak kogesunotgei, ne bo Jehovah.

Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

oboiboitu eng’ kamang’unet; omuitoi eng’ nyalilda; ogiiljige saet kotugul

Ameng’ koterterin yaitiet, ago iterter yaitiet eng’ ne mie.

Ochamnye eng’ chamnyet ne u ne bo tupchosiek; ingoiit chito age chito age kosiir inendet eng’ teegisto

Ingoek chamnyet ne matinyei ng’alset. Wech mising’ noto ya; onamge ak ne mie.

Ngomugaksei eng’ okwek, otebi ak bik tugul eng’ kalyet.

Chamanichu, amoyaakte mugetut, ago ogochi boroindo neregek: amu sirat kole, Nenyu yaaktaetab mugetut; ayaaktoi, mwaei Kiptaiyat.

eng’ kagiiletab ge amochoriren; ogiilge mising’ eng’ tamirmiriet, oote Kiptaiyat

Amu amwachini chi age tugul ne mi kwenung’wong’, eng’ mieindo ne kigegona, amat kobwatgei chi kole toror kosiir ne te ne nyolu kobwat; ago kobwat ne yamei, ko u ye kiigochi Jehovah chi age tugul karagutietab kayanet.

Amoyaakyi chi yaitio eng’ yaitio. Ibwat tuguk che bo teegisto eng’ taitab bik tugul.

Oegu che tinyei kabwatet agenge okwege eng’ okwege. Among’asyige tuguk che tororen, ago onamge ak che iming’inegei. Moiityige ole o ng’omen eng’ loseng’wong’ bo ge.

Ago ngo am rubet bunyondeng’ung’, ibai; ngo am melel, inage koee: amu ye iyae ko u noto ko kerurukyi ng’etetiot metinnyi.

Oberur che usok; oberur, amochub. Oboiboitu koboto che boiboi; oririe koboto che rirtos.

otoret che tililen eng’ tuguk che bononi; oaiyebitu eng’ toek.

Amu agot ko u ye kitinye kebeberwek che chang’ eng’ borto agenge, ama tinyei kebeberwek tugul boisiet agenge: ko u noto eng’ achek che ki chang’, ki borto agenge eng’ Kristo, ak ki kebeberta age tugul ne bo age.