Popular Bible Verses from ROMANIK 1

Share

Amu malilanjini logoiywek che miach: amu choto ko kimnatetab Jehovah agoi yetunet eng’ age tugul ne iyani; eng’ Yahudiot korok, ak Yunanindet agine.

Amu king’anyei eng’ choto imandab Jehovah eng’ kayanet agoi kayanet: ko u ye sirat kole, Ago sobei ne bo imanda eng’ kayanet.

Amu kigeerei komie tugukyik che ma toogu koboch yaetab ng’ony che naoksei eng’ tuguk che yaotin, agot kimnatennyi ne bo koigeny ak inendet iman ko Jehovah; si maek ichek che tinyei lotania

amu kingo kagonai Jehovah, ko ma kolos ko u Jehovah, anan kogochi kongoi; ago kiberberitu eng’ kabwatutikwak, ak kiimenitu mugulelwekwak che matinyei naet.

amu kiwal imanitab Jehovah kowale lembeita, ak kolos ak koot kit ne kigiyai kosiir Yaindet, ne iberurot koigeny. Amen.

Amu kigeng’any neregekab Jehovah kobun kipsengwet agobo bistoet tugul ak yaitiet tugul ne bo bik, che kirindoi imanit eng’ yaitiet

Amu nito kibagakyi Jehovah ichek magutik che bo tewernatet: amu kiwal kobogorisiekwak biteet ne nyolu koek ne ma nyolu: ak ko u noto agichek murenik, kibagakta biteet ne nyolu ne bo kobogorisiek, ak kogasegei ichegei maget ne lalei, koyachingei murenik eng’ murenik noto ne ma nyolu, ak taachei ichegei melekto ne yamegei ak yaitienywa. Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu

Kingolen kondegei kong’omegitu, koberberitu, ak kowal torornatetab Jehovah ne ma ng’emaksei kogergeit ak itondab chito ne ng’emaksei, ak ne bo taritik, ak tiong’ik che bo kelyek ang’wan, ak tuguk che ichuutegei.