Popular Bible Verses from TAUNET 37

Share

Ak kiiruotyi Josep karuotitoet, ak kimwachi werik che tupcho: ak kites kowech inendet kosiir.

Ak kichamei Israel Josep kosiir werikyik tugul, amu kisichei koga koosit: ak kinapchi ngoriet ne koi ne bochin agot eunek.

Ak kigeer werik che tupcho kole, chamei kwandanywa inendet kosiir tupchosiekyik tugul; ak kiwech inendet, kot komata kocham kong’alalji inendet eng’ kalyet.

Ak kiiruotyi karuotitoet age kogeny, ak kimwachi tupchosiekyik kolenji, Ogeero, koaruotyi kogeny karuotitoet; ogeero, koing’urukya asista ak arawet ak kecheik taman ak agenge.

Ak kiam ng’et kong’ tupchosiekyik agobo inendet; ago kigonor kwandanyi ng’olyondonoto eng’ muguleldanyi.

Ak kilenji ichek, Kaigai ogas karuotitaoni koaruotyi: ogeero, kogirate bek che mi ak mobek eng’ mbar, ak kong’eetyo bekyuk che koarat, kotononso: ogeero, koyiem bekwok che koorat, bek chechuk ak kong’urukyi.

Ongebe anyun kebar, si kewirji keringet, ak kemwa kele, Kaam tiondo ne ya: si kegeer kit ne egu karuotitaosiekyik.

Yeityo kosiir yoto chemung’arainik che bo Midian; ak kiimoong’ Josep kolong’ eng’ keringet, ak koaldochi Joseph Ismaelik eng’ fedaisiek tiptem. Kiimut anyun Josep kwo Misri.

Ak king’alaljigei kole, Ogeero, nyonei chitab karuotitoet.

Ak kigeer icheget inendet kota komi ole loo, ak kingotom korik ole mi, kotil ng’alek ole bartoi inendet.

Kilenji Reuben, Amotumde korotik: owirji keringoni mi ong’atet, amoyachi kiy ne ya: si kosor inendet eng’ eunekwak, si koweekyi inendet kwandanyi.