Popular Bible Verses from MATHAYO 7

Share

Hoyai, na nĩmũkũheo; mathai, na nĩmũkuona; ringaringai mũrango, na nĩmũkũhingũrĩrũo

nĩ ũndũ o mũndũ ũrĩa ũhoyaga, nĩaheagwo; na ũrĩa ũmathaga, nĩonaga; na ũrĩa ũringaringaga mũrango, nĩahingũragĩrũo.

Nĩ ũndũ ũcio-rĩ, o mũndũ ũrĩa ũiguaga mohoro macio makwa, na ageka ũrĩa njugĩte, nĩ wa kũhaananio na mũndũ mũũgĩ, ũrĩa waakire nyũmba yake igũrũ rĩa rũnyanjara

Tondũ ũcio-rĩ, maũndũ mothe marĩa mũngĩenda andũ mamwĩkage inyuĩ, mekagei o mo o nao: nĩ ũndũ ũguo nĩguo gatũũrũ ka ũhoro wa watho o na wa anabii.

Nĩ gũkorũo mũromo nĩ mũceke, na njĩra nĩ ngunderu ĩrĩa ĩkinyaga kũrĩa kwĩ muoyo, na andũ arĩa mamĩonaga nĩ anyinyi.

Tonyerai mũromo ũrĩa mũceke: nĩ gũkorũo mũromo nĩ mwariĩ, na njĩra nĩ njaramu ĩrĩa ĩkinyaga kũndũ kũrĩa gwa kũũrĩra, na andũ arĩa matonyagĩra ho nĩ aingĩ.

Hakĩrĩ ũguo-rĩ, mwagĩkorũo inyuĩ, na mũrĩ oru-rĩ, nĩmũũĩ kũhe ciana cianyu iheo njega, ĩ Ithe wanyu wĩ Igũrũ angĩkĩria atĩa kũhe indo njega arĩa mamũhoyaga?

MŨTIKANEKŨŨANĨRE, nĩ getha mũtikanekũũĩrũo. Nĩ gũkorũo gwĩkũũanĩra kũrĩa mwĩkũũanagĩra nakuo, nĩkuo mũgekũũĩrũo nakuo na inyuĩ. Na ningĩ kĩgeri kĩrĩa mũgeranagĩra nakĩo, nĩkĩo mũkagererũo nakĩo na inyuĩ.

No rĩrĩ, mũndũ ũrĩa ũiguaga mohoro macio makwa, na ndeke ũrĩa njugĩte, nĩ wa kũhaananio na mũndũ mũkĩgu, ũrĩa waakire nyũmba yake igũrũ rĩa mũthanga

Na atĩrĩrĩ, nĩ kĩ gĩtũmaga ũrore kĩhuti kĩrĩa kĩĩ riitho rĩa mũrũ wa thoguo, na ndũkũũria mũgogo ũrĩa wĩ riitho rĩaku mwene? Kana rĩrĩ, wakĩhota atĩa kwĩra mũrũ wa thoguo, Reke ngũrute kĩhuti kĩu kĩĩ riitho rĩaku, na rĩrĩ, wee mwene wĩ na mũgogo ũcio riitho rĩaku?

Wĩmenyagĩrĩrei anabii a mathara, arĩa mokaga kũrĩ inyuĩ mekĩrĩte njũa cia ng’ondu, no thĩinĩ makorokete ta njũi. Nĩmũrĩmamenyaga nĩ ũndũ wa maciaro mao. Kaĩ thabibu ituagwo ciigua-inĩ, kana ngũyũ igatuo mahiũ-inĩ ma nyeki?

No taguo o mũtĩ ũrĩa mwega ũciaraga maciaro mega; naguo mũtĩ ũrĩa mũthũku ũciaraga maciaro moru.

Mũtĩ ũrĩa mwega ndũngĩhota gũciara maciaro moru, kana mũtĩ ũrĩa mũthũku ũhote gũciara maciaro mega.

O mũtĩ ũrĩa ũtaciaraga maciaro mega nĩ gũtemwo ũtemagwo ũgaikio mwaki-inĩ.