Popular Bible Verses from LUKA 13

Share

Geragiai na hinya mũtonyere mũromo ũrĩa mũceke; nĩ gũkorũo ngwĩra atĩrĩ, Nĩ andũ aingĩ magacaria ũrĩa mangĩtonya, na matihote.

Na rĩrĩ, gũgĩkorũo kũrĩ mũtumia watũire arĩ mũrũaru mĩaka ikũmi na ĩnana, nĩ ũrĩa aagwatĩtwo nĩ ngoma, nake nĩaahocereire, akaremwo nĩ gwĩtiira o na atĩa. Nake Jesu aamuona, akĩmwĩta akĩmwĩra atĩrĩ, Mũtumia ũyũ, nĩwehererio mũrimũ waku.

Akĩmũigĩrĩra moko: na kahinda o kau mũtumia ũcio akĩrũngario mwĩrĩ, agĩkĩgooca Ngai.

Na rĩrĩ, nĩkũrĩ andũ a thutha magatuĩka a mbere, na nĩkũrĩ andũ a mbere magatuĩka a thutha.

Hĩndĩ ĩrĩa mwene nyũmba agakorũo okĩrĩte, na arĩkĩtie kũhinga mũrango-rĩ, mũgaitĩka kũrũgama o nja mũkĩringaringaga mũrango, mũkiugaga atĩrĩ, Mwathani, tũhingũrĩre; nake nĩakamũcokeria amwĩre atĩrĩ, Ndimũũĩ kũrĩa muumĩte.

Ngũmwĩra atĩrĩ, Tiguo: no rĩrĩ, mũngĩaga kwĩrira, inyuothe mũkaninwo o tao.

nake nĩakoiga atĩrĩ, Ngũmwĩra atĩrĩ, ndikĩũĩ kũrĩa muumĩte; umai kũrĩ niĩ inyuĩ othe mwĩkaga waganu.

Nĩ ũndũ ũcio akiuga atĩrĩ, Ũthamaki wa Ngai ũhaanaine na kĩ? Na ngũũhaanania na ndũ-ĩ? Ũhaanaine na kahĩndĩ ga karatarĩ karĩa mũndũ oire, agĩgaikia mũgũnda wake mwene; nako gagĩkũra gagĩtuĩka mũtĩ; nacio nyoni cia rĩera-inĩ ikaraaraga honge-inĩ ciaguo.