Popular Bible Verses from KĨAMBĨRĨRIA 39

Share

Na rĩrĩ, Jehova aarĩ hamwe na Jusufu, namo maũndũ marĩa ekaga makagaacĩra, agĩgĩtũũra o kũu nyũmba ya Mũmisiri ũcio, mwathi wake.

Nacio indo ciothe iria aarĩ nacio agĩciiga moko-inĩ ma Jusufu; na ndaarumbũyagia ũhoro wa kĩndũ o na kĩ kĩrĩa aarĩ nakĩo tiga o ũhoro wa irio iria aarĩaga. Nake Jusufu aarĩ mũthaka, na aarĩ kĩĩrorerũa.

Nake mũnene ũcio agĩtigĩra Jusufu ũrori wa andũ othe arĩa maarĩ kũu korokoro-inĩ; naguo wĩra ũrĩa wothe warutagwo kũu, nĩ Jusufu waũrutithagia.

Mwathi ũcio wa Jusufu agĩkĩmũnyita, akĩmũikia korokoro-inĩ, o kũrĩa andũ arĩa ohe a mũthamaki maaikagio; agĩgĩikara kũu korokoro-inĩ. No rĩrĩ, Jehova aarĩ hamwe na Jusufu, agĩkĩmwĩka maũndũ mega ma ũtugi, agĩtũma etĩkĩrĩke nĩ mũnene ũrĩa waroraga andũ arĩa ohe.

Na gũgĩkinya atĩrĩ, atĩ thutha wa maũndũ macio, mũka wa mwathi wa Jusufu akĩmũroria riitho, akĩmwĩra atĩrĩ, Koma na niĩ. Nowe akĩrega, agĩkĩĩra mũka wa mũmwathi ũũ; Atĩrĩrĩ, mwathi wakwa ndarũmbũragia kĩndũ o na kĩ kĩrĩa kĩĩ nyũmba ĩno, nĩ ũndũ nĩa’nengerete indo ciake ciothe ndĩcirorage, na gũtirĩ mũndũ ũngĩ mũnene kũrĩ niĩ mũciĩ ũyũ; ningĩ gũtirĩ kĩndũ o na kĩ andigĩrĩirie tiga o wee wiki, nĩ ũndũ wĩ mũtumia wake; kaĩ ingĩkĩhota atĩa gwĩka ũndũ ta ũcio mũnene ũguo wa waganu, o na njĩhie Ngai?

Na matukũ-inĩ o ro macio gũgĩkinya atĩrĩ, atĩ mũthenya ũmwe Jusufu agĩtonya nyũmba nĩguo akarute wĩra wake, na gũgĩkorũo gũtiarĩ mũndũ ũngĩ wa nyũmba ĩo warĩ kũu thĩinĩ. Mũtumia ũcio agĩkĩmũnyita nguo, akĩmwĩra atĩrĩ, Koma na niĩ; nake Jusufu agĩtiga nguo yake ĩĩ guoko gwake, akĩũra, akĩĩyumĩra.