Popular Bible Verses from Luka 8

Share

Na echinde chire ase amaroba amaya; aba nabwo bare ne chinkoro chingiya naende echi’ekeene, bakoigwa ring’ana, baribwata, bama okwama noboremereria.

Na echio chiagwete ase amagwa, aba nabwo bakoriigwa, na barabwo kobakogenderera bamigwa nokorengereria kw’enibo, na omogooko bw’ense eye, tibakwama ase ogoikerania.

Na baria bare ase egetare nabwo baria bakoigwa ring’ana, baribwata nomogooko, korende barabwo tibari nemeri, begena ase ekero egeke, na ekero ki’ogoteemwa beatanana.

Akabateebia, “Okwegena kwaino, ng’ai kore?” Bakairoka, bagakumia bagateebania, “Oyo nere ng’o, ogochika nonya nomwaga na enyancha, bikomoigwera?”

Baria b’enchera ensemo, nabwo baikire koriigwa; erio Saitani ochicha, na korusia ring’ana riria ase chinkoro chiabo, erinde tibacha kwegena batooreke.

Ekiagera ring’ana tiriri ribisegete, ritache koorokigwa, gose eria bobisi ritache komanyekana maiso marore.

Omokungu oria ekero achia korora ng’a tabisekaneti, agacha okoiguswa, akamogwera, na ase amasio ’abaanto bonsi akamworokia engencho yagera omokuna, naende buna agwenetigwe ara rimo. Akamoteebia, “Omoiseke one, okwegena kwao gwakogwenirie; genda nomorembe.”

Bakamochiera, bakamotura, bakaboora, “Omonene Nyasae, ngosira tore!” Erio ere akaboka, agatogonyera omwaga na emerindo y’amaache, na birobio bigakira, gokaba ogotoerera.