Popular Bible Verses from MATIE 5

Share

Wele tũ mwinda, nɛ nde a gú kpana zu nɛ gɔ. A e ma ngɔ mɔ e do mwinda, takɔ ma yele 'da winɔ kɔ tɔa ni vɛ̃. Kɔ ma wia na, nɛ nyɛ ɔ nɛ mwinda ni dati winɔ, takɔ wa zɔ de dɛa mɛ kɛ nɛ dɛ ni, kɔ wa dɔnggɔ Baa nɛ, kɛ a li nza i ni.

“Sanga owinɔ nù gɛ, nɛ ɔ nɛ mwinda ni. Le kɛ wa dɛa ma ngɔ kala ni, ma wè tɛ usu tɛ̃ ɛ gɔ.

Yangga do owinɔ kɛ sila wa a sa ni, we kɛ wa zɔ sɛ Gale.

Yangga do owinɔ kɛ wa do wɔ we dɛ mɛnɔ kɛ Gale kɔ̃a ni, we kɛ Gale a hã sɛ ngawi hã wa we dɛ ma.

Nɛ nde kɛ 'da mi, mi tɔ̃ hã nɛ na, nɛ kɔ̃́ gɛnɛ wi sɛnɛ nɛ, nɛ nɛ sámbálá Gale we wanɔ kɛ wa zɛlɛ tɛ nɛ ni

“Yangga do owinɔ kɛ wa ĩ na, lo a mɔ gɔ dati Gale ni, we kɛ wa sɛ a owi kɔ le nwa 'da Gale.

Yangga do owinɔ kɛ wa hã tɛ wa we 'dafa dɛa na sanga ngba wa ni, we kɛ Gale a sa sɛ li wa na, wa a obenɔ 'dɛ ɛ.

Yangga do owinɔ kɛ wa do 'bako ni, we kɛ Gale a fo sɛ 'bakoe 'da wa.

Yangga do owinɔ kɛ owele wa zɛlɛ tɛ wa, we kɛ wa dɛ mɛnɔ kɛ zã Gale kɔ̃a ni, wa sɛ a Owi kɔ le nwa 'da Gale.

Yangga do owinɔ kɛ wa ĩ 'bako hã ongba wa ĩ ni, we kɛ Gale a ĩ sɛ 'bako hã wa.

“Yangga do nɛ, owinɔ kɛ Owele wa dã nɛ, nɛ wa zɛlɛ tɛ nɛ, nɛ wa 'bili bɛlɛ dɛ ngɔ nɛ kpi do kpi, we kɛ nɛ a winɔ 'da mi ni. Wa dɛ do nɛ ní, nɛ nɛ dɛ́ yangga, nɛ nɛ te salangga, we kɛ nɛ kpa sɛ si olo nɛ li nza i gã wena. Mba gɔ, owele wa hã zɛ́ 'bɔ kpo zɛlɛ tɛ ni hã owi gba olo nu Gale zɛ́ dati gɛ.

Yangga do owinɔ kɛ sila wa a gɛ̃ ni, we kɛ wa kpa sɛ nùi kɛ Gale kpua mbulu nɛ hã wa ni.

“Sanga owinɔ ngɔ nù gɛ, nɛ ɔ nɛ tɔ̃ ni. Hã fala kɛ tɔ̃ zãlã, nɛ nde wa wè tɛ dɛ 'bɔ na, ma dãlã dɛ olo nɛ gɔ. Nɛ wa wè tɛ dɛ do to gɔ, nɛ wa a ma nù, nɛ winɔ wa ma iko.

Ma wia na, dɛa mɔ tɛ nɛ we ngboo, ɔ nɛ kɛ 'da Baa nɛ, kɛ a li nza i ni.

Nɛ nde ma wia na, nɛ tɔ̃ na, lo dɛa ni, tabi lo dɛ̀ ni gɔ. We kɛ gba gili wenɔ nɛ tɔlɔ vɛ̃ ni, ma yolo 'da Satana.

“Nɛ zila we wa tɔ̃a zɛ́ na: ‘Gbali wi olo gbali wi, gogo wi olo gogo wi’ ni. Nɛ nde kɛ 'da mi, mi tɔ̃ na, mɔ tɛ gèsè 'dã mɔ hã wi kɛ a dɛa 'dã mɔ do mɔ ni gɔ. Fala kɛ wele zɛ gulu zala mɔ kɛ ngɔ ngawili kɔ̃, nɛ mɔ síkí kɛ ngɔ gale hã a, nɛ a zɛ ma.

Fala kɛ gbali mɔ kɛ ngɔ ngawili kɔ̃ fi mɔ kɔ 'dã mɔ, nɛ mɔ 'dɔ́ ma, nɛ mɔ da ma nyɛlɛ do mɔ! We duzu kɛ ma dia fé na, mbee tɛ mɔ fe, olo li kɛ na, mɔ le li gba nyɛa we do kili tɛ mɔ vɛ̃ ni. Kɔ fala kɛ ngawili kɔ̃ mɔ fi mɔ kɔ 'dã mɔ, nɛ mɔ 'bílí ma, nɛ mɔ da ma nyɛlɛ do mɔ! We duzu kɛ ma dia fɛ̃ na, mbee tɛ mɔ fe, olo li kɛ na, mɔ le li gba nyɛa we do kili tɛ mɔ vɛ̃ ni.