Popular Bible Verses from MATIE 13

Share

Nɛ winɔ kɛ wa ɔ nɛ dia nùi kɛ kpalɛ ala ngɔ nɛ ni, wi a wanɔ kɛ wa zele Dia Sakoe, nɛ wa ĩ gulu nɛ, nɛ wa ko dia wala te, mbe kama, nɛ mbe 'bu nɛ gazɛlɛ, nɛ mbe 'bu nɛ talɛ.”

Nɛ wi kɛ a ɔ nɛ nùi, kɛ kpalɛ ala tɛ nɛ dɛ sanga nyaka tɛ̃ ni, wi a wele kɛ a zele Dia Sakoe de wena, nɛ wɔ mɛnɔ nù gɛ, do yangga kpamɛnɔ kɛ ma ɔlɔ winɔ ni, ma busu ma kɔ sila a do'do, nɛ nde ma dɛ́ to gɔ.

Wi kɛ a zele Dia Sako dɛa to nwa 'da Gale, nɛ nde a ĩ́ ti gulu nɛ gɔ ni, a wia kɔ̃ do li wala kɛ mbe kpalɛ ala tɛ nɛ ni. We kɛ Dia Sakoe gbo zala a, nɛ a zele ma, nɛ Satana tɛ, nɛ a fo ma kɔ sila a do'do.

Nɛ wi kɛ a ɔ nɛ nù kpangba kɛ kpalɛ ala ngɔ nɛ ni, wi a wele kɛ a zele Dia Sakoe, nɛ a kɔ̃ gɛnɛ nɛ dɔ̃, nɛ a dɛ yangga nɛ, nɛ nde ma lé a ngboo gɔ, nɛ a hã tɛ̃ a we nɛ 'do nɛ nyɛlɛ gɔ. Fala kɛ ngamɔ yamba sila a, tabi wele wa zɛlɛ tɛ̃ a we duzu we nu Gale nde, nɛ a la fala kɔ̃a we 'da a dɔ̃ iko.

“Dɛa to nwa 'da Gale, ma wia kɔ̃ do kpamɔ kɛ ma usu tɛ̃ ɛ kɔ fɔ ni. Mbe wele kpo hɔa ngɔ nɛ, nɛ a usu ma dɛ dati. Nɛ a dɛ yangga wena, nɛ a nɛ, nɛ a be gole mɛnɔ 'da a vɛ̃, nɛ a oso do fɔɛ ni.

Nɛ nde mbe gbãlã kpalɛ ala dɛ fala dia nù, nɛ ma hɔa, nɛ ma gã, nɛ ma wala dɛlɛ wena. Mbe wala kama, nɛ mbe wala 'bu nɛ gazɛlɛ, nɛ mbe 'bu nɛ talɛ.”

Nɛ lá ma ni, hã ma gã bɔa nɛ gbaa we hɔ ngba soe kala do ble dɛ le. Do 'da fala ni, nɛ mi tɔ̃ sɛ hã Owi kala ma na, wa zu'du 'dã wɔkɔsɔnɔ dati, nɛ wa ɛnzɛ lã nɛ, nɛ wa dɔ, sɛ nɛ wa ĩ ti kala ble dɛ kɔ yangga 'da mi de.’ ”