Popular Bible Verses from LUKA 12

Share

Nɛ tɛ mɛ 'bɔ, li nɛ sɔ̃́! We kɛ mi Be 'da Wele, mi hɔ sɛ do sa kɛ owinɔ wa lénggé nɛ gɔ ni.”

Kɔ nɛ fá dati vɛ̃ a dɛa to nwa 'da Gale, nɛ a hã sɛ gele mɛnɔ ni dɛ ngɔ nɛ hã nɛ.

'Do nɛ, nɛ a tɔ̃ hã winɔ vɛ̃ na: “Li nɛ sɔ̃́! Dɔ wɔ kpamɔ ga li sila nɛ gɔ. Mba gɔ, dungu nza 'da wele ma zɔ̀ gili kpamɛnɔ 'da a gɔ.”

Mba gɔ, sila wele fai dɛ fala a usu do kpamɛnɔ 'da a ni.

Wi sanga nɛ gɛ, gɛnɛ kɔ a lengge kpasi 'da a wena, nɛ a wia we a mbé tũ ngɔ tũ dungu nza 'da a, wi a wio nde?

'Do nɛ, nɛ Yezu tɔ̃ 'bɔ hã Owi yambala mɛnɔ 'da a na: “Nɛ zɔ́ gulu kɛ mi tɔ́a hã nɛ na, nɛ tɛ bì tɛ nɛ we kpasi 'da nɛ ngɔ nù gɛ gɔ gɛ a ni! Nɛ tɛ bì tɛ nɛ we nyɔngɔmɔ, tabi we tulu gɔ.

Kɛ 'da nɛ, gɛnɛ kɔ mili zu nɛ, nɛ nde Gale tɔla ma vɛ̃ tɔla. Kɔ nɛ tɛ dɛ kili gɔ, we kɛ nɛ nɛa ngɔ nɔɛnɔ ni vɛ̃ nɛa.

“Aa nɛ, owinɔ 'da mi, nɛ dɛ̀lɛ̀ gɔ, kɔ nɛ tɛ dɛ̀ kili gɔ. We kɛ Baa nɛ Gale kɔ̃a na, nɛ le kɔ le nwa 'da a.

Nɛ zɔ́ ganakelenɔ! Wa mí kpalɛ gɔ, nɛ wa 'bɛ̃́lɛ̃́ 'bɔ kpalɛ gɔ. Wa do tɔa usu do nyɔngɔmɔ, tabi yangga bina. Nɛ nde Gale hã nyɔngɔmɔ hã wa fai. Ní a tɔlɔ do nɛ, kɛ nɛ nɛa ngɔ onɔɛnɔ fala dɛlɛ wena ni nde?

“Nɛ tɛ bì tɛ nɛ we fa nyɔngɔmɔ na nɛ nyɔngɔ, tabi dɔ̃ na nɛ nɔ gɔ.

Aa nɛ, kɛ kɔ̃a we 'da nɛ ga gɔɛ gɛ, nɛ zɔ́ wɔkɔsɔnɔ zamɔ gɛ! Gale dɛa ma dia nɛ ge nde ni. Sɔɛ gɛ ma boe, nɛ bindɛ, nɛ wele fi we tɛ nɛ, nɛ ma bɛlɛ. Ní a Gale wè tɛ hã tulu hã nɛ nɛ ngɔ ki ni gɔ nde?

Mba gɔ, mɛnɔ vɛ̃ kɛ ma usu tɛ̃ ɛ ni, ma hɔ sɛ dɛ wila fala, nɛ usu wenɔ vɛ̃ ma hɔ sɛ nza.