Popular Bible Verses from Isaia 45

Share

Do të të jap thesare të fshehta, pasuri të ruajtura në fshehtësi, që ta dish se unë jam ZOTI, Perëndia i Izraelit, që të thirra me emër.

Para teje do të eci unë e maloret do t'i rrafshoj, portat prej bronzi do t'i copëtoj, shulat prej hekuri do t'i thyej.

Unë jam ZOTI e tjetër s'ka, përveç meje nuk ka Perëndi, unë t'i kam ngjeshur armët, ndonëse ti nuk më njihje, që ta dinë prej lindjes së diellit e deri në perëndim, se tjetër veç meje s'ka. Unë jam ZOTI e tjetër s'ka.

Unë i jap trajtë dritës, unë e krijoj natën, unë e sjell paqen, unë e shkaktoj fatkeqësinë. Unë, pra, jam ZOTI, që i krijoi të gjitha këto.

Kthehuni tek unë e shpëtoni, mbarë ju, o skajet e dheut! Se unë jam Perëndia, tjetër veç meje s'ka!

Kështu thotë ZOTI për Kirin, të vajosurin e tij: e kam kapur nga dora e tij e djathtë, për të nënshtruar para tij kombet, për t'ua hequr brezin nga ijët mbretërve, dyert para tij për t'i hapur e portat pas tij s'do të mbyllen.

Jam përbetuar për veten time, nga goja ime ka dalë drejtësi, një fjalë që s'do të merret mbrapsht, se para meje do të përkulet çdo gju e çdo gjuhë do të betohet për mua.

Për hir të shërbëtorit tim, Jakobit, dhe Izraelit, të zgjedhurit tim, unë të kam thirrur në emër. Ta bëra këtë nder, ndonëse ti nuk më njihje.