Popular Bible Verses from Isaia 41

Share

Mos u tremb, se unë jam me ty, mos u tmerro, se unë jam Perëndia yt. Unë të jap forcë, unë të ndihmoj, me të djathtën e drejtësisë sime të përkrah.

Se unë jam ZOTI, Perëndia yt, unë të marr për dore e të them: «Mos ki frikë, unë jam ndihma jote.

Ja, do të turpërohen e do të skuqen gjithë sa janë të zemëruar me ty, do të kthehen në hiç, do të zhbihen ata që luftojnë kundër teje.

ty, që nga skajet e tokës të mora, të thirra prej viseve të largëta e të thashë: «Ti je shërbëtori im, ty të zgjodha e poshtë nuk të kam hedhur».

Do t'i kërkosh, por nuk do t'i gjesh ata që të kundërshtojnë, do të jenë si të mos ishin, do të asgjësohen, ata që të sulmojnë.

Mos u tremb, o krimb i Jakobit, o burra të Izraelit, se unë jam ndihma juaj», kumton ZOTI, shpëtimtari yt, i shenjti i Izraelit.

Po ti, o Izrael, shërbëtori im, ti, o Jakob, i zgjedhuri im, fara e Abrahamit, mikut tim

Lumenj do të shpërthej prej kodrave të zhveshura, burime ujërash në mes të luginave, shkretëtirën do ta bëj pellg ujërash, tokën e thatë gurrë përrenjsh.

Skamnorët e nevojtarët kërkojnë ujë, por ujë nuk ka, nga etja gjuha e tyre thahet. Unë, ZOTI, do t'u gjendem, unë, Perëndia i Izraelit, nuk do t'i braktis.

Kush e bëri? Kush e kreu këtë? Kush i shpall breznitë që në fillim? Unë, ZOTI, jam i pari. Unë do të jem edhe me të fundit.

Në shkretëtirë do ta mbjell cedrin, akacien, mërsinën e ullirin, në shkretëtirë qiparisin do ta vë, bashkë me vidhin e me bredhin. Kështu, do të shohin e do ta dinë, do ta kuptojnë e do ta marrin vesh tok, se këtë e bëri dora e ZOTIT, këtë e krijoi i shenjti i Izraelit.