Popular Bible Verses from Matayo 24

Share

Dinanga dia ba bungi nedikehe, bualu bua tshishiku tshiakudiunda munda muabo. Kadi wananukila tô ne kunshikidilu neasungidibue.

Nebambile bantu bonso ba ha buloba lumu luimpe elu lua bukelenge buanyi, neluikale tshimanyishilu ku bisamba bionso; hashishe, nshikidilu nealue.

Nenuamue bualu bua nvita ne ngumu ya nvita; dimukai, kanuhampakanyi: malu au nealue bulelela, kadi nshikidilu kena muanze kulua.

Tshisamba tshikuabo netshiluangane ne tshinga, bukelenge bukuabo nebuluangane ne bunga biole nebikaleku ne buloba nebukanke ku nseke ne ku nseke. Kadi malu â adi tshibangidilu tshia kanyinganyinga.

Diulu ne buloba nebijimine, kadi mei anyi kêna ajimina.

Bualu bua ba bungi nebalue mu dina dianyi, bamba ne, Meme ndi Kilisto; nebahambuishe bantu ba bungi.

Nebanufile mu dikenga, nebanushihe; bisamba bionso nebikale nʼenu lukuna bua dina dianyi. Hashishe, ba bungi nebalenduke, nebafilangane ku bilumbu, nebikalangane ne lukuna. Baprofete badi ne mashimi ba bungi nebabike, nebahambuishe ba bungi

Yesu wakabandamuna ne, Nuende badimuke, muntu kanuhambuishi.

Nunku nuenu kabidi nudilongolole, bualu bua Muana wa muntu nealue ha diba dinudi kanui belangane meshi.

Dimukai, bualu bua kanuena bamanye dituku dialua Mukelenge wenu.

Kadi bua dituku adi ne ha diba adi kakuena muntu udi mumanye, banjelo mene mene ba mu diulu kabena bamanye, Muana kena mumanye, anu Tatu udi mumanye.

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Kulua kua Muana wa muntu nekuikale bu muakadi ha matuku a Noa. Ha matuku au, nvula ya bungi kayi mianze kulua, bantu bakadi badia, bakadi banua, bakadi babaka, bakadi babakibua tô ne hakalua dituku diakabuela Noa mu buatu bunene, kabakamanya bualu tô ne hakalua nvula ya bungi kubabutula; kulua kua Muana wa muntu nekuikale nunku.