Popular Bible Verses from Luka 8

Share

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Au akamata mu mionshi ya meba adi bu bantu bakumpua dî; hatshidibo baya mu nshila, meshi abo ne biuma ne masanka a muoyo udibo nʼau katataka bidi bibafiekela mu nshingu, kabena bakuama maminu aboba.

Ba ha dibue badi bu bantu badi bitabusha dî ne disanka, hakudiunvuabo; kadi Bobo kabena ne miji, badi bitabusha tshituha, ku dituku dia diteta dia munda badi basesuka.

Yeye wakabakonka ne, Ditabusha dienu didi kudi kunyi? Bakadi ne buowa, bakakema, bakakonkangana ne, Ahu eu udi nganyi? Yeye udi wela mpehele ne mai dî diandi, bidi bimunvuila. Ku Gelasa Yesu udi umusha bademon munda mua mufitu

Ba kukala kua nshila badi bantu bakunvua dî; hashishe, diabolo ulualua, udi unyenga dî mu mitshima yabo ne, Kabitabushi, kabasungidibu.

Kakuena bualu busokoka buahanga kusokolodibua; kakuena bualu bua mu musokoko buahanga kumanyibua ne kumueneka.

Hakamanya mukashi ne, Tshiena musokoma, wakalua uzakala, wakadiela ku mpala kuandi, wakamba ku mesu kua bantu bonso tshiakamulengeleye ne muakashika disama diandi ha diba adi mene. Yesu wakamuambila ne, Muanʼanyi, ditabusha diebe diakukuhandisha, ya biebe talalâ.

Bakalua kudiye, bakamubisha ku tulu, bakamba ne, Mukelenge, Mukelenge, tudi tufua. Yeye wakabika, wakabuikila luhehele ne mavuala; biakalekela, muaba au wakatalala talalâ.