Popular Bible Verses from Matayi 7

Share

— Lombayi, nebanupeshe; kebayi, nenusangane; kokolayi, nebanunzuluile tshiibi.

Bualu muntu yonsu udi ulomba, udi upeta. Udi ukeba, udi usangana. Udi ukokola, badi bamunzuluile tshiibi.

— Nenku muntu yonsu udi unteleja, wenza bindi ngamba ebi, neafuanangane ne muena lungenyi, uvua muibake nzubu wende pa dibue.

— Enzelayi bakuabu bionsu binudi basue bua banuenzele. Ke bidi mikenji ya Moshe mufundila, ke bidi bambi banulongesha.

Kadi mushiku wa mbelu mubumbakane, ne njila mufimpakane, ke bidi bifikisha bantu ku muoyi. Amu bantu bakese ke badi bendela mu njila amu.

— Buelelayi ku mushiku wa mbelu mubumbakane. Bualu mushiku wa mbelu mubaluluke, ne njila mualabale, ke bidi bifikisha bantu ku kabutu. Bantu bavule badi bendela mu njila amu.

Nuenu bantu babi, nudi nupesha bana benu bintu bimpe. Tatu wenu udi mu diulu kena mua kupesha badi bamulomba bintu bimpe bipite anyi?

— Kanutangidi bantu bakuabu bu bantu babi, bua Mvidi Mukulu kanutangidi kabidi nanku. Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Kadi muntu yonsu udi mumvue miaku yanyi eyi, kayi wenza tshindi ngamba, neafuanangane ne muntu udi kayi ne lungenyi, uvua muibake nzubu mu lusenga.

Udi utangila anu kasosa mu disu dia muanenu, kuyi umona mutshi munene udi mu disu diebe bua tshinyi? Mmunyi muudi mua kuambila muanenu ne: “Semena apa, nkumushe kasosa mu disu,” kadi wewe ne mutshi munene mu diebe disu!

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi. Nenubamanyine anu ku malu adibu benza. Kabatu bapola tumuma tua mutshi wa nwinyo ku mingonga, nansha bimuma bia mfiku ku muonji wa mpesa.

Mutshi muimpe onsu udi ukuama bimuma bimpe; kadi mutshi mubi udi ukuama bimuma bibi.

Mutshi muimpe kawena mua kukuama bimuma bibi, kabidi mutshi mubi kawena mua kukuama bimuma bimpe to.

Mutshi onsu udi kauyi ukuama bimuma bimpe, nebaukose, bawele muiku.