Popular Bible Verses from Matayi 24

Share

Bubi nebuvulangane. Nanku dinanga dia bantu ba bungi nedituye. Kadi wananukila too ne ku ndekelu, nebamusungidile.

Lumu lua Disanka, nebalumanyishe mu buloba bujima, bua kujadikila bisamba bionsu ne: Mvidi Mukulu udi unubikila ku Bukalenga buende. Diba adi, nshikidilu wa buloba neafike.

Nenumvue mutoyi wa myita ya pabuipi, ne ngumu ya myita ya kule. Kadi kanutshinyi to. Ebi bionsu bidi ne bua kuenzeka; kadi ki nshikidilu wa buloba to!

Tshisamba netshiluishe tshikuabu. Bukalenga nebuluishe bukuabu. Biyole bia nzala nebienzeke. Buloba nebuzakale miaba mishilangane. Malu onsu awu neikale bu makenga a kumpala adi akuata mukaji pa lulelu.

Diulu ne buloba nebijimine. Kadi miaku yanyi kashidi kayena ijimina to.

Bualu bantu bavule nebafike, bangata dina dianyi, banuambila ne: “Meme ndi Kristu!” Nebashime bantu ba bungi.

Nanku bantu nebanukuate, nebanufile bua banukengeshe. Nebanushipe. Bisamba bionsu nebinukine, bualu nudi nungitaba. Tshikondu atshi bavule nebavile ditaba. Nebelelangane tshitungu, bakinangane. Bambi ba dishima ba bungi nebamueneke. Nebadinge bantu bavule.

Yezu kubandamuna ne: — Nuadimukayi! Muntu kanushimi!

Ke panudi ne bua kuikala bamane kudilongolola, bualu Muana wa muntu neafike diba dinudi kanuyi belele meji.

Dimukayi, bualu kanuena bamanye dituku diafika Mfumuenu.

— Kadi dituku adi, nansha diba adi, muntu nansha umue kena mubimanye, nansha batumibue ba mu diulu, nansha Muana. Anu Tatu nkayende ke udi mubimanye.

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Muvuabi bienzeka mu matuku a Nowa, ke muikalabi kabidi dituku didi Muana wa muntu ufika. Mvula mukole awu kayi muanji kuloka, bantu bavua badia, banua, baselangana, baselesha bana babu ba bakaji, too ne ku dituku divua Nowa mubuele mu buatu. Bantu kabavua bajingulule bivua bienzeka. Kupapukilabu amu pasua mvula mukole mupite ubanga kuloka, ubabutula bonsu. Ke muafika Muana wa muntu.