Popular Bible Verses from Matayi 15

Share

Kadi malu adi mukana muamba, adi afuma mu muoyi. Ke adi apisha muntu mikiya. Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

“Bantu aba badi bannemeka amu ne miaku patupu, kadi muoyi wabu udi kule, kawena kundi. Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Ke Yezu kukema, wamba ne: — Kia! Mukaji, ditaba diebe ndinene! Biudi ujinga nebienzeke. Muanende kupanda anu diba adi.

Kadi mukaji awu kudiela panshi kumpala kuende, umuamba e: — Mfumu, ungambuluishe! Yezu kuandamuna ne: — Ki mbimpe kunyenga bana biakudia, kubielela mbua. Ke mukaji ne: — Mulongeshi, udi wamba amu bimpe. Kadi nansha mbua idi idia bisunsukila bidi bipona panshi ku mesa a bamfumu bayi.