Popular Bible Verses from Matayi 13

Share

Ntete idi ipona mu buloba buimpe, ke badi bumvua muaku wa Mvidi Mukulu, bajingulula mudiwu. Badi bakuama bimuma, aba lukama, bakuabu makumi asambombu, banga makumi asatu.

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Ntete idi ipona mu buloba bua mabue, ke badi bumvua muaku wa Mvidi Mukulu, bawanyisha diakamue ne disanka. Kadi muaku awu kawena wasa miji munda muabu. Badi bawakidila amu tshitupa tshikese. Padi dikenga dibakuata, nansha bantu babakengesha bua muaku wa Mvidi Mukulu awu, badi bateketelamu diakamue.

— Bukalenga bua mu diulu mbufuanangane ne biuma bisokoka mu budimi. Muntu kuvua kubisangana mu budimi amu, kubisokoka pende. Kupetaye disanka dipite. Ke padiye uya kupana bionsu bidiye nabi, bua kusumba budimi abu.

Kadi minga ntete kumata mu buloba buimpe, kukuama miepu, eyi ne ntete lukama, mikuabu ne ntete makumi asambombu, minga eyi ne ntete makumi asatu.

Lekelayi, bionsu bikolele pamue too ne ku tshikondu tshia dinowa. Diba adi nengambile badi banowa ne: ‘Julayi bangabanga lupeta. Lusuikayi mu bisumbu bua kuluosha. Pashishe nuteke ntete mimpe mu diyeba dianyi.’ ”