Popular Bible Verses from Luke 5

Share

Yeye mumane kulongesha nanku, kuambilaye Simone ne: — Semeja buatu kumpala, muaba udi mayi mondoke. Pashishe wewe ne balobi nebe, nuele makondu mu mayi bua kuloba.

Simone kumuandamuna ne: — Mukalenga, tudi balobe butuku bujima. Katuena bakuate kantu to. Kadi bu muudi ungambila bua meme kuenza, nengele makondu. Nanku kuelabu makondu. Ke kukuatabu mishipa mipite bungi, makondu atuadija kupandika.

Kadi Yezu uvua uya miaba mipengame bua kutendelela Mvidi Mukulu.

Tshiena muvue kubikila bantu ba nsongu, kadi anu bantu babi, bua balengeje nsombelu yabu.

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Yezu kubandamuna ne: — Bantu badi ne bukole bua mubidi, kabena bakengela munganga to. Anu badi basama, ke badi bamukengela.

Nanku kukokabu matu ku mukuna, kushiyabu bionsu, kulondabu Yezu.

Pavua Yezu mu tshimenga kampanda, muena nsudi kufika kudiye. Umona amu Yezu, kutuaye mpala panshi kumpala kuende, umusengelela ne: — Mfumu, bu wewe musue, unjikije disama. Yezu kuolola tshianza, kumulenga, wamba ne: — Ndi musue, mubidi webe wakane! Diakamue nsudi kujika pambidi pa muntu awu.

Nanku lumu lua Yezu kutangalaka. Bantu ba bungi bavua bamunguila bua kumuteleja, ne bua ajikije masama abu.