Popular Bible Verses from Luke 4

Share

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha, bua mmanyishe bantu tshidimu tshidi Maweja-Nangila mua kubasungidila.”

Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Yezu kumuandamuna ne: — Mukanda wa Mvidi Mukulu udi wamba ne: “Muntu kena ne muoyi anu bua diampa nkayadi.”

Yezu uvua utumina ku musulu wa Yardene muwule ne Mueyelu wa Tshijila. Ke Mueyelu kumufikisha mu tshipela.

Yezu kumuandamuna ne: — Mukanda wa Mvidi Mukulu udi wamba ne: “Kutetshi Maweja-Nangila Mvidi Mukulu webe.”

Diabolu mumane kuteta Yezu mishindu yonsu, kumushiyaye bua kupingana musangu mukuabu.

Diabolu kuya nende mulu mule. Kumulejaye makalenga a pa buloba onsu musangu umue. Kumuambilaye ne: — Nenkupeshe makalenga onsu aa, ne bubanji buawu. Bualu bavua bampeshe bionsu ebi. Meme kabidi ndi mua kubipesha undi musue. Nanku wewe munkukuile, bionsu ebi nebishale biebe. Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Ke diabolu kufikisha Yezu mu Yerushalayime, kumuimanyika ku musonga wa nzubu wa Mvidi Mukulu, umuamba ne: — Ne udi Muana wa Mvidi Mukulu, tumpika kulu, umate panshi. Bualu mukanda wa Mvidi Mukulu udi wamba ne: “Mvidi Mukulu neatumine batumibue bende diyi bualu buebe, bua bakulame.” Mukanda awu udi wamba kabidi ne: “Nebakuambule mu bianza biabu, bua kututshi dikasa diebe ku dibue.” Yezu kumuandamuna ne: — Mukanda wa Mvidi Mukulu udi wamba ne: “Kutetshi Maweja-Nangila Mvidi Mukulu webe.”