Popular Bible Verses from Yowanane 1

Share

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Pavua Mvidi Mukulu mufuke ku tshibangidilu bintu bionsu, Muaku ukavuaku. Muaku uvua ne Mvidi Mukulu. Muaku uvua Mvidi Mukulu.

Butoke budi bukenka mu miidima. Kadi miidima kayivua mibuanyishe.

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku. Munda mua Muaku muvua muoyi. Muoyi awu uvua mupeteshe bantu butoke.

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Muaku uvua pa buloba. Mvidi Mukulu uvua mufuke bintu bionsu ne Muaku. Kadi bantu kabavua bitabe Muaku. Muaku kufika mu ditunga diawu. Kadi bana bawu nanshabu kuwakidila.

Butoke ebu ke butoke bulelela budi bufika pa buloba bua kutokesha bantu bonsu.

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.