Popular Bible Verses from Bikambelo biki bikima 1

Share

Lolonde ae Bolimo wʼoeko oyʼelʼinyo lifamba mpamba, ko lifoyalema basangi bakami la nda Yelusalema la nda bise biuma bia Yudea la bia Samalia, ko elaka nko nsuko mongo eʼokili.

Ende aolakela, Afokaema elʼinyo wete lea bikeke la bileko biki Fafa obuzaka nda mpifo ekande mongo.

Ko atakanʼende lʼiyo aolasangela wae batimanake Yelusalema, lolo aokela, Lolendeza nkʼeko elaka ea Fafa ekiʼnyʼokaka limʼeremi; ele nsosolo, Yoane inakʼanto ndʼasi, lolonde atafa bembile beuke oleka, inyo lifinama nda Bolimo wʼoeko.

Ndʼafeka bʼelo ekae aovaeneya elʼiyo mbaika la ntaza iuke itakusʼoikyama ekoli; wae aokongʼenyʼelʼiyo la bembile ntuku inei, ko aolasangela baoyi ba likulaka ja Nzakomba.

Akiʼndʼotefelaka ngoko, o nkʼandoalʼiyo, aolulela, ko litute joloamba limʼaiso bakiyo.

Ko ateezʼiyo tee nda loola andulelʼende, bala bantʼafe, balotsama la bito bia fe, baolemala lʼiyo, baokela, Banto ba Ngalilaya, lolemala ngoe, ko loala tee nda loola lae? Yesu one ondambema limʼelʼinyo nda loola ifoya lenkina o lʼelenge ekiʼnyʼoenaka wae aokenda nda loola.