Popular Bible Verses from Marko 16

Share

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Giranyutha maeni bilubo ju m’uyio: ku nyinga gibiwodho pajogi; gibiweco ku dhok ma nyen; gibiting’o thwol, man tek gimadhu gin moko ma negojo, ebitimogi rac ki ngo; gibiketho cing’gi kum ju ma kumgi lith, c kumgi bikei.

E ng’atu m’uyio m’umaku baputisi de ebiboth; ento ng’atu m’uyio ngo jubipoko lembe pare rac.

E gicidho, giyero i kaka ceke, Rwoth utimo kugi, eketho tego kum lembene ku giranyutha m’ulube. Amen.

Man ewacu igi kumae, Iwu kud uwang’ lii; wuyenyo Yesu, ma Janazareti, ma jugure: ecer, embe keni: nen ka ma jukethe i ie!

Man giting’o wang’gi, gineno nia kidi ng’iele cen: kum e dit apila. E ka gimondo i liel ma juroko i cana, gineno jalawobi acel ubedo yo ku cing’ ma yor acwic, m’eronyo kendi ma tar; e igi wang’ lii.