Popular Bible Verses from Luka 3

Share

Nie etimbre, ka jumio baputisi ni dhanu ceke, nia Yesu bende jumio ire baputisi, man kan eberwo, polo yabre, man Tipo Maleng’ uloro i wie ku kum, calu mir akuru, dwal de ai i polo kumae, In i Woda ma jamerna; ma anyong’a nega i kumi.

Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac

Ka ku meno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni.

Cil kawono de lei ubedo ther ulag yedhi: ka kumeno ku ba yen ceke m’ucego nyinge ma ber ungo jung’ole piny, jubole i mac de.

calu egore i kitabu mi lembe pa jabila Isaya kumae, Dwand ng’atu acel m’ukok i yamba kumae, Wuyik yo pa Rwoth Wutir yo pare. Ora ceke bipong’ kubang’e kubang’e, Man ku ba gudi ceke kud ungulu got de jubidwoko piny; Man gin m’ugondre bidoko atira, Man yo ma ie ju gei bidoko ndaba; Man kum ceke de bineno both pa Mungu.