Popular Bible Verses from Thangambere 50

Share

Man wun, wupido lembe rac i kuma; ento Mungu pido lembene mi ber, kara uketh etimbre, calu ebedo i ceng’ maeni, kara ubodh dhanu dupa gibed kwo.

E Yusuf uwacu igi kumae, Lworo kud unegwu: kum an ani i ka Mungu?

Ka kumeno kawono lworo kud unegwu: abigwokowu, ku nyithindho mu ma thindho. Man ejukogi, eweco ku bero i bang’gi de.

Wubiwacu ni Yusuf kumae, Akwei kawono wek kier ku dubo mi utumeru woko kum gitimo rac i beng’i. Man wakwei kawono iwek kier mi jutic pa Mungu pa wuru. Man Yusuf uywak ka giyero ire.

E Yusuf uwacu ni utumin mire kumae, Atho: ento Mungu biliewowu andha, man ebidwokowu malu kud i ng’om maeni ba ng’om m’ekwong’o ni Ibrahim, ni Isak, man ni Yakobo.

Man Yusuf uketho nyithindho mir Israel gikwong’o kwong’, ewacu kumae, Mungu biliewowu andha, man wubiyeyo cogona malu ku keni.

Kum kumeno Yusuf utho, ma rundi mi tio pare dak acel kud apar: e giroyo yath i kume giboye, man jukethe i sanduk mi yik i Misiri.