Popular Bible Verses from Ai 5

Share

E yo ku ng’eye Musa giku Harun gicidho, man giwacu ni Farao kumae, Yehova, Mungu mir Israel, uwacu kumae, Wek dhanu para gicidhi, kara gikwir ira agba i langa.

Kum ugambre m’abino ba Farao niyero ku nyingi, etimo dhanu maeni rac; kadok in de ibodho dhanu peri ki ngo.

E Musa dok ba Yehova, man ewacu kumae, Rwoth, pirang’o itimo dhanu maeni raci? nedi iora?

Man Farao wacu kumae, Yehova en e ng’a, ma nia awinj dwande awek ko Israel gicidhi? Ang’eyo Yehova ngo, mange ke abiweko Israel ungo ya gicidhi.

Man wubiketho wel biriki igi calu ma naka gitimo: wubijwigo ticne moko ngo: kum gibedo umbe tic; ka kumeno giywak, giwacu kumae, Wek waci walam lam ni Mungu mwa. Mi tic ma tek ma sagu ni dhanune, kara gimuli i ie; man kud wuwek giketh wang’gi kum ndra.