Popular Bible Verses from John 5

Share

Mereka akyerɛ hom nokwar mu dɛ, nyia ɔtse m’asɛm, na ɔgye nyia ɔsomaa me no dzi no, ɔwɔ onnyiewiei nkwa, na ɔremmba atsɛmbu mu, na mbom oetwa mu efi owu mu aba nkwa mu.

na Jesus hun dɛ ɔda hɔ, na onyim dɛ ɔakyɛr hɔ no, obisaa no dɛ, Epɛ dɛ wo ho yɛ wo dzen anaa?

Hom hwehwɛ kyerɛwsɛm no mu, osiandɛ hom susu dɛ yinom mu na hom wɔ onnyiewiei nkwa; naaso yinom nye dza wɔgye mo ho dase, na hom mmpɛ dɛ hom ba me nkyɛn ma hom eenya nkwa.

Jesus see no dɛ, Soɛr, fa wo kɛtɛ na nantsew. Na amonmu no ara nyimpa no ho yɛɛ no dzen, na ɔfaa ne kɛtɛ, na ɔnantsewee. Nna da no yɛ ahomgyeda.

Na Jesus buae see hɔn dɛ, Meka no nokwar mu kyerɛ hom dɛ, Ɔba no nankasa nntum nnhyɛ noho nnyɛ hwee, gyedɛ dza ohu Egya no dɛ ɔyɛ; na biribiara a Egya no yɛ no, ɔnoara Ɔba no so yɛ no dɛmara.