Popular Bible Verses from Eksodɔs 2

Share

Na Nyankopɔn tsee hɔn nkrumsi, na Nyankopɔn kaa n’ahyɛmu a ɔnye Abraham, Isaak, na Jakob dzii no. Na Nyankopɔn hwɛɛ Israelmba no, na ohun hɔn haw.

Na ɔbaa dɛ nda pii guu mu no, Egypthen no wui: na nkowaasom no ntsi Israelmba pempenee, na wosui, na hɔn su fowee kɔr Nyankopɔn nkyɛn.

Na abofra no nyinii, na ɔdze no brɛɛ Farao ne babaa no, na ɔbɛyɛɛ ne babanyin. Na ɔtoo no dzin Moses, na ɔsee dɛ, Osiandɛ mefaa no nsu mu.

Na Farao ne babaa no see no dɛ, Fa abofra yi kɔ, na kɛma no enumfo ma me, na medze w’akatua bɛma wo. Na ɔbaa no faa abofra no, na ɔkɛmaa no enumfo.

Na Farao ne babaa sianee baa esutsen no ho dɛ oruboguar; na ne mbaawa pasaar esutsen no nkyɛn. Ber a ohun adaka no wɔ atsen no mu no, ɔsomaa n’abaawa dɛ ɔnkɛfa mbra.

Na ɔbaa dɛ nda no mu no, aber a Moses nyinii no, ofiir edzi kɔr no nuanom nkyɛn, na ɔkɔhwɛɛ hɔn ndzesoadze. Ohun dɛ Egyptnyi bi robor Hebriwnyi bi, no nuanom mu baako. Na ɔhwɛɛ ha hwɛɛ ha, na ohun dɛ nyimpa bi nnyi hɔ no, ɔbɔɔ Egyptnyi no kum no, na ɔdze no hyɛɛ anhwea mu.