Popular Bible Verses from یُوحنّا 3

Share

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

جیہڑا اوہدے اُتّے اِیمان لیاؤندا اے۔ عدالت وِچ نئیں آؤندا جیہڑا اِیمان نئیں لیاؤندا عدالت وِچ ہُنے آگیا اے کیوں جو خُدا دے اِکلَوتے پُتر دے ناں اُتّے اوہ اِیمان نئیں لِیائیا اے۔

تے عدالت ایہی اے۔ پئی چانن دُنیا وِچ آیا اے تے بندیاں ہنیرے نُوں چانن نالوں وَدّھ پیار کِیتا ایس کر کے پئی اوہناں دے کمّ بَھیڑے سن۔

ضرُور اے پئی اوہ وَدھے تے مَیں گھٹاں۔

کیوں جو جیہڑا کوئی بُریائی کر دا اے۔ چانن نال وَیر رکھدا اے تے چانن کول نئیں آؤندا۔ کِتے ایویں نا ہوئے پئی اوہدیاں کمّاں دی ملامت کِیتی جائے۔

جیہڑا پُتر اُتّے اِیمان لیاؤندا اے سدا دی زِندگی اوہدی اے۔ پر جیہڑا پُتر نُوں نئیں مَندا اوہ تے زِندگی نئیں ویکھے گا سگوں خُدا دا قَہر اوہدے اُتّے رہندا اے۔

تے جیویں مُوسیٰ نیں سَپّ نُوں بیابان وِچ اُچّا کِیتا اوسے طرح ضرُور اے پئی اِبنِ آدم وی اُچّا کِیتا جائے۔

باپ پُتر نُوں پیار کر دا اے تے اوس سارِیاں شیواں اوہدے ہتّھ وِچ کر دِتّیاں نیں۔