Popular Bible Verses from یُوحنّا 12

Share

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

اوہ جیہڑا اپنی جان پیاری سمجھدا اے۔ اوہ اوہنوں گواؤندا اے۔ تے اوہ جیہڑا اپنی جان نال ایس دُنیا وِچ وَیر رکھدا اے سدا دی زِندگی تِیکر اوہنوں سانبھی رکھّے گا۔

مَیں تُہانوں سَچ سَچ آکھنا آں پئی جِنّاں چِر کنک دا دانہ زمین وِچ پَے کے نا مرے اوہ اکلّا ای رہندا اے۔ پر جے مر جاوے تے بوہتا پَھل لیاؤندا اے۔

مَیں دُنیا وِچ چانن ہو کے آیا آں تاں جو جیہڑا کوئی میرے اُتّے اِیمان لیاؤندا اے۔ ہنیرے وِچ نا رہے۔

تے جے کوئی میرِیاں گلّاں سُنے تے نا مَنّے مَیں اوہدی عدالت نئیں کر دا کیوں جو مَیں دُنیا دی عدالت کرن واسطے نئیں آیا پر دُنیا نُوں بچان دے واسطے۔

تَد مریم ادھ سیر خالص تے بڑا مہنگا وال چھڑ دا عِطر لے کے یِسُوع دے پیراں نُوں مَلیا تے اپنے والاں نال اوہدے پَیر پُونجھے۔ تے گھر عِطر دی خوشبو نال بھر گیا۔

کھجُوراں دِیاں ٹہنِیاں لیّاں تے اگّوں والی اوہنوں مِلن لئی نِکلے تے زور نال آکھن لگّے ہوشعنا! دھنّ اوہ اے جیہڑا خُداوند دے ناں اُتّے آؤندا اے۔ اِسرائیل دا بادشاہ۔

یِسُوع نیں اوہناں نُوں جواب دِتّا ویلا آگیا اے پئی اِبنِ آدم دا جلال ہوئے۔