1
MATIUS 7:7
ALLAH WENE
”Heng turuk lamok, og hisahu. Yami ruruk lamok, hiyag hisahu. Kik turuk lamok, sok hut henebuhu.
Compare
Explore MATIUS 7:7
2
MATIUS 7:8
Heng tuhup inap arimano og isahu. Yami ruhup inap arimano hiyag isahu. Kik tuhup inap arimano sok hur enebuhu.
Explore MATIUS 7:8
3
MATIUS 7:24
”Anden ihi ane aru holtuk lamuhubon arimano onoluk inap hag toho welamuhup. It arimano inibam kinang inema wit taruk inap hag toho welamuhup.
Explore MATIUS 7:24
4
MATIUS 7:12
”Aben nunubam fano ane tukag puhup ane ari hiren oho unubam fano ane turuk lamuhup. Musan haharoho imbibahon men Allahn ibag ane indam hiyag isaruk latfag inaben alem misig aru fahet haharoho imbibag.
Explore MATIUS 7:12
5
MATIUS 7:14
Honoluk fano welamuhup ambeg laruk ke sok keleg tohon wereg, kebunggalem toron haleg. Ke toron ari ap tor anggeyen hiyahuk teg.”
Explore MATIUS 7:14
6
MATIUS 7:13
Sok keleg tohon ari fam kuruk lamok. Siyagma war atuk ambeg laruk ke sok humon wereg, kebunggalem suwon haleg. Ke ariyen ap anggolo siyagma laruk.
Explore MATIUS 7:13
7
MATIUS 7:11
Hit siyahonen hunumalikisi naruk angge fanowon og isa reg halug Hinikni poholmon fanowon inowen umalikisiyen heng turukmu fano angge tem toho og isahu.”
Explore MATIUS 7:11
8
MATIUS 7:1-2
”Honoriyen hit hunubam unggum umbuk nowen hiren honori unubam unggum umbuk fug. Hiren honori unubam unggum emberuk lahebon ariyen hebeloho hit hunubam aruhu. Hiren ap winon wirim eneptuk lahep hag toho wirimangge ari fam hir oho wirim heneptuk lamuhup.
Explore MATIUS 7:1-2
9
MATIUS 7:26
An nele inisanggo fam holuhup angge famen ihi ane aru turuk lamuhup fuhon enepeleg inap hag toho welamuhup. It inibam masag waruk ambeg wit taruk inap hag toho wereg.
Explore MATIUS 7:26
10
MATIUS 7:3-4
Hinggareg hilmu uwag suwon werehon hapeleg anggeyen hare ilmu e asinggilin werehon ari nungge fahet haruk lahen? Hinggareg hilmu uwag suwon wereg angge famen hare fam te, ’E asinggilin hilmu werehon oho-fesemin,’ nungge fahet uruk lahen.
Explore MATIUS 7:3-4
11
MATIUS 7:15-16
”Wene hiyag husul uruk anggeyen enele si uruk inap kahal enesug lamok. Enehap selman te wam domba fanowon hag toho waharuk angge famen unundaman te olomene olokon hag toho wereg. Anggen yihik fuhubon ari fam honoluk aruhu. Folim alog ahen fam soluk anggen tahanuk teg? Hohom alog ahen fam sawe anggen tahanuk teg?
Explore MATIUS 7:15-16
12
MATIUS 7:17
E fanowon fam anggen fanowon eneg yihik feruk. E siyahon fam anggen siyahon eneg yihik feruk.
Explore MATIUS 7:17
13
MATIUS 7:18
E fanowon anggen siyahon yihik fuk fug teg. E siyahon anggen fanowon yihik fuk fug teg.
Explore MATIUS 7:18
14
MATIUS 7:19
E anggen fanowon yihik feruk elehon muhuk fesuhureg indok yale fesuhu.
Explore MATIUS 7:19
Home
Bible
Plans
Videos