1
MATIUS 13:23
ALLAH WENE
Kinang fanoma fok turuk ihiyon ari aben wene holtuk lit fano wenggel harukon fahet ihi. Winonen anggen teng hinahan yihik feruk, winonen teng piren yihik feruk, winonen teng misig yihik feruk hag toho wereg,” ulug Yesusen hiyag isibag.
Compare
Explore MATIUS 13:23
2
MATIUS 13:22
Hoholangge sehelimu fok tirisi ihiyon ari wene holtuk angge famen nangginoho welaruhuk ulug indi fituk lit mun angge man angge foroho lale perukon ariyen wene fanowon ino hondo rebeserukmu anggen yihik feruk elehon hag toho wereg.
Explore MATIUS 13:22
3
MATIUS 13:19
Allah ap obog toho Inikni aruhuwon fahet aben holtuk angge famen indi anggar atuk eleg halug siyahon inowen anggen fanowon ap indimu fok turukon ino waharuk lit heneko hilaruk. Ihiyon ari kebunggalma fok turukon fahet ihi.
Explore MATIUS 13:19
4
MATIUS 13:20-21
Helep falma fok tirisi ihiyon ari Allah wene ahiyeg toho folo-folo holtuk angge famen umanggen eleg hag toho werehen indi piren toho wereg ahun fahet ihi. At ino siyag toho wereg lit wene fahet wabul ulug abug il larukmu indi nin atuk.
Explore MATIUS 13:20-21
5
MATIUS 13:44
”Allah nit ap kinangmon obog toho fahet Ninikni aruhuwon ino fano-fano angge fam indit toho wirim timin,” ulug Yesusen ibag. ”Fano-fano angge ari kinang habuloho salegma ap ekeyen habul harukmen hiyaharisi. Hiyaharisireg nin sale feselug ibam larisi. Fano-fano angge hiyahaki ulug ahiyeg harisireg kinang ari an atmin ulug aren angge obog toho kinang ngi ahun ino wam fek ei yatuk hag toho og itisireg kinang ino at atisi,” ulug Yesusen hiyag isibag.
Explore MATIUS 13:44
6
MATIUS 13:8
Anggen winon kinang fanoma wamburusama anggen yihik ferusama winon teng hinahan yig atisi, winon teng piren yig atisi, winon teng misig yig atisi.
Explore MATIUS 13:8
7
MATIUS 13:30
’Siyahonet fanowonet mangno roho wilip aruhureg wirik amag. Wirik aruhumu kong tuhup sambil ino anggen paltuk inap arimano fam: Hoholangge indok fam yaltukon fahet tam henetlihipteg het toho palu ruruk lit anggen fanowon eneg nibam kilabiyek ulug hiyag isahuk,’ irisi,” ulug Yesusen hiyag isibag.
Explore MATIUS 13:30
Home
Bible
Plans
Videos