Popular Bible Verses from LUKAS 5

Share

Wene obog toho hiyag isibareg Simon fam te, ”Ik ahum pulmu lalihipteg ikan yunggar atmisiyen ikan watuk asum pilaplihip,” ibag.

Pilaplihip ibagma Simonen, ”Nowe, hup misig hunduko asengseng toho yami rehe angge famen ikan misig oho yunggar aha fug. Yunggar aha fug angge famen Haren ari ehenma ikan watuk asum pilabik lul,” ibag. Ari ibareg pilabik libagma ikan anggolo yuhar atfagma ikan angginen sum tararag tibag.

Palu arik watfagma Yesus sembahyang imin ulug amumu ap eleg ambeg libareg sembahyang uruk latfag.

Ap inindi pikiron wol enepmin ulug waharikik fug. Ap inindi siyahon unubam siyag ane embeselug hinindi fano amuhup ulug hiyag isa waharikik,” ibag.

Simon Petrus inowen ikan watfahon arimano yet hibareg Yesus alukema hur atfareg, ”Nowe, an siyag nahun, an men welam fug teg lahenma lamihin,” ibag.

Yesusen, ”Nori, hit henebe fano welahebonen ap ekeyen hihit neneplep pehep fug. It ouk warukon aruma inindimuwen ap ekeyen hihit neneplep pehesa.

Ibagma kou ik ilahema imbik libareg mun angge man angge lin isalug Yesus men ambiyeg libag.

Misihim Yesus o pumbuk misig fam libareg weregma ap salukangge rohon misihen Yesus yet hibareg Yesus alukema hur arik watfareg, ”Nowe, Hat hindiyen hihitmin pemihin halug hihit nabuk teg lahen,” ulug heng tibag. Heng tibagma Yesusen ap ino sen hibareg, ”An nindiyen hat hahap fano amag,” ibagma ahap ke yowilangge eleg atfag.

Yesusen ap hiyag isa fug ulug komo ribag angge famen alem turuk latfag ane ino fahet o pumbuk obog toho saho ribagma holfareg wene hiyag nisaruk lit ouk hihit nenepmisi ulug ap anggolo Yesus ambeg palu arik watfag.