Popular Bible Verses from KELUARAN 23

Share

Hiren we An HINIKNI Allah wel naptuk lamuhup. Wel naptuk lamuhupmu Anden hit hinine roho welamuhuben suburu men ik men anggolo og hisaruk lit ouk hit sehelimu werehon obog toho elehap tuhuk. Hit henengginangma hiyap ibili rehon men umalik wareg angge indag atukon men eleg lamuhup. Anden hinineyap heneptukmu hit sabal atuk lit war atuk lamuhup.

Allahn ele uruk lit, ”Anden hit let henebukag ulug not malaikat eke monde fuhukmu hit kalemma larikim honolohotma laruk lit fet henesugmen eneg Anden og hisahuk irikik ambeg hondoko hunumbahik lahu.

Hiren at ele fuki roho hol haruk lit Anden not ino feneyen hiyag hisaruk laruhuk ane obog toho turuk lamuhup halug hit henele ying heneptuk inap Anden enele ying eneptuk lit hit men seli roho wereg inap An men seli roho wereg ulug unusuhuk.

Ap obog tohowen siyag ane turukmu hiren yet isaruk lit it onombolim laruk lamuhup fug. Alem kong turuk lit ap obog tohowen un ane urukmu hiren hol isaruk lit iren uruk ane hikit toho uk fug angge we tem ane uruk lamuhup. Ap inine elehon alem unubam wereg halug hiren inilaheg ulug inibil amuhup fug.

Ibareg Allahn Musa fam nin ele uruk lit, ”Aben fuki roho yet ha fug angge enele si ane urukmu hiren hol halug ap hiyag isil lahup fug. Ap siyag ane turukon inibil atuk lit ili og enepmin ulug henele si ane uruk lamuhup fug.