Popular Bible Verses from Apocalipsis 11

Share

Lee gazh mandad mkwezh trompet cheen, nu mbin na zyen bos nye doo naz yiba, nu nzhé reya: Lee yalnabeyy cheen yizhyo nal naka cheen Dios, Xaa Nabeyy be nu cheen Jesucrist Xaa Mxaal xaa lo yizhyo, nu tira nabeyy xaa.

Lee re yezh nayii doo ne lu; per nal mzhinla mbizh cheen yalnayii cheen lu, gorna naab lu kwent lo re xaa ngut. Nu zaa lu lo re xmos lu, xaa mzaa kwent kwaan nzhé lu lo lee xaa yilo, kwaan mle xaa gan, nu noka zaa lu lo re xaa nzheb ne lu, xaa nambey nak, kwaan mle xaa gan, lo re xaa non nu lo re xaa nanont. Nu lux lu re xaa nlux yizhyo.

Nu lee na xaal chop xaa zaa kwent kwaan yé na lo xaa, nu zaa xaa kwent tub mil chop gayoo chon gal mbizh, nu gak xaa ler nadox kwaan nagaas.

Per gorna ngulo mded chon mbizh yirol, Dios seban rop xaa ne, nu yixche xaa stub welt, nu rese xaa lach lo xaa zheb doo xaa.

Rop xaa ne nzho mod saaw yiba zee nalatra yey dubse mbizh kwaan zaa xaa kwent kwaan yé Dios lo xaa; nu noka nzho mod le xaa gak nis ren nu chezi xaa re myet yizhyo kwaan rese yalzi, gorna nzhekla xaa.

Rop xaa ne nak rop yag olib nu rop bruj kwaan nzaa xni lo Xaa Nabeyy dubse yizhyo. Nu chelee tub xaa nzhekla seweey xaa xaa, lee rop xaa ne koo ki roo, zee zek xaa re xaa nayii ne xaa; nu snee yet loka xaa nzhekla seweey xaa.