Popular Bible Verses from Matius 2

Share

Onogola enagai a’bik hegesarik e, olema ’gwi legesa. ’Gwi legesarik malik ano ia Maria ogo pam oruakma enil holuk, ondogorlu pam hweriogo welat erliktigisa. Erliktugulat e, di a’ge yu a’ge op a’ge emas emin, kemenyan ’gami e’ben a’ge ’gela’ge ano emin, e mur a’bosu emin, hebilogo wogegisa.

At Yesus ano, o propinsi Yudea o Betlehem dagaga. Dagaga eria hegit e, o eba ’gain onuk logo a’ge, ap onuk Herodes ai welaga. Oruakma re, is ap enede ’gagalak welat hwesagal pobi togu legesa a’ge ebano mo edip wago eba hegit en o Yerusalem wegesa. Wegesarik is en e, disogo egesa, “Ap Yahudi a’ge onue ’gain onuk logo a’ge dagagarik oruak ano, o ’geba dagagarik oruak o? Nis o mo edip wago eba hegit en eba oruakma, ap ’gain ano dagaga oluk, hwesagal mesik hebarligen agama re, ap ebe erliktuogoluk hwesagal ai nenil en woluk hin wau wege o,” oluk egesa.

Asogo duk egeimu is ebano hwesagal ano enil holuk, onogola enagai a’bik hegesa.

Wogegisarik nogogumu at Allah en e, “His pobuk wegep o’gwe Herodes e’bek lagup o,” oluk hwese’bi ’gela’ge enabi pam mo’gulentesimu, ebela mu’gwe toluk onowi pam legesa. Is ap hwesagal enil woluk wegesa a’ge ebano arat legesema re, huba’go nogogumu malaikat Allah en a’ge ’bogorl pam en wagarik e, Yusuf abi pam mo’guleselat e, “Yusuf. Hat e, malik dogo ai ia e’birek wogonoboluk, o Mesir eba hweiye lak o. Laguntik e, ebayat wolomup o. Oruakma, an en worlhentasu holuk en de, manup o. At ’gain Herodes ano en malik dogo ai werigoluk oso ai o,” oluk mo’gulosoma abi hesi.