Popular Bible Verses from Lukas 10

Share

Holuk e, yethemit! Herlegetie emin, erlelim emin, honoyuk en al ’besilogo ’bo pugulat, Iblis emin hwerlirak a’ge ano anni erlagap pogulat, togu lemagoluk, an nanni wokhentegistik eiye takhenebegi o. Eiye takhenebegirikmu re, di a’ge yu a’ge logon en wiagaphonobua modok erlak o.

at Yesus en e, disogo mo’gulesi, “Marta. Hat e, di a’ge yu a’ge paget hede perik welat setsogo taga legen hegi. A’geat de, wene mesik nak tu a’ge oruakhweat de, hat en di bele yu bele taga legen. Hot Maria yu re, wene op a’ge mesigat aiat u’gwarek en pulogo eiye agarikmu re, Ukpemen, oluk mo’gulom e, mia o,” oluk mo’gulesi.

ap ano en e, disogo mo’gulesi, “At Musa en e, Henede emin, henebabut emin, henanni emin, honogola emin, mesigat otluk, nenaik Allah ’gain Onuk Logo a’ge ebe aiat henede hwedik wolomup o. Ye, mesik e, His honu’gwarek henebe henede hwedik welegep ai ’gela’ge, is aphwami agaikhen henemin welegep a’ge ai henede hwedik welemis o, oluk egeimu pelal wogo oruak o,” oluk mo’gulesi.

Asogo peragenebasulat e, disogo mo’gulentesi, “E’gen a’bik egeik a’ge arat hurle agarik oruak a’geat de, aphwami e’gen ebe ’balu a’ge enebe weiyat o. Ai en e, ap iabuk Eiye a’ge ano en, aphwami e’gen ’balu a’ge logon peragonobouwagoluk, at yo’go pogu lemis o,” oluk mo’gulentesi.

Mo’gulesirik e, wene mesik disogo mo’gulesi, “Is ap yogorlia wogwi a’ge en ap werigisa a’ge ai, Allah en, Aphwami henemin welegep a’ge henedesogo wolom o, oluk egei ano hegitsogo, ap enebe henagan ai, sa ’gela’ge en edeaptegei epegen,” oluk asogo mo’gulesimu, ap ano en disogo mo’gulesi, “Ap ai werak oruakma ap mesik wagarik ede en lethesi aiat o,” oluk mo’gulesimu, at Yesus en disogo mo’gulesi, “Holuk e, hat asogo til lak o,” oluk mo’gulesi.

Asogo mo’gulentesirik e, “His lit o. An en his e, henebabut wam domba wam ebabut ’gela’ge is aphwami enebabut mene orlomene ebabut wiak a’ge ’gela’ge ene’gerlakma hialogo perakhenebaik o.