Popular Bible Verses from Yohanes 3

Share

Di aphwami yu aphwami at Allah ede hwedik en enede an nebam he’berik pouwa a’ge enebe lo’bok warotluk e, nal ema erlak o. Enelaluk modok welemagoluk, omlogo an nebe mesigat dogo a’ge wogentesi.

Ye, an Allah omlogo ’gwiangma yema peraknobou waga a’ge ai re, di aphwami yu aphwami wene enebam poluk wiagabonobuagoluk peraknobou waga puk. We, enebe delonobuagoluk peraknobou waga o.

Asogo mo’gulesimu, at Yesus e, disogo mo’gulesi, “Aphwami Allah en enebe pobuk togolik ’get dagenebiso erlak holuk e, at eragam enebasumu eba enil houwa modok erlak o, oluk, niak demat mo’gulheselegi o,” oluk mo’gulesimu

Holuk e, ap sa en ede an nebam he’berik pasu holuk e, Allah en wene ebam poluk wiagap pouwa erlak a’geat de, ap sa en ede an Allah omlogo mesigat dogo a’ge yu nebam he’berik pasu erlak ai enat, wiagap pouwa a’ge wene arat ebam pesimu oruak o.

Ye, Allah en wene enebam pasu ai re, ebe disogo. An en o dakharak enebasu legi a’ge nebe arat ’gwiangma ’bu wegi a’geat de, aphwami enebabut wiak togwi ai en e, At o dakharak ai nenebit o. At e, o hiktak aiat nenagai, oluk onogola opogwi o.

Ap ai onuk ligom erlige ligagokhwe re, an nonuk ’buom erlige ’bu agokhwe, tua o,” oluk mo’gulentesi.

Ye, is aphwami wiak togwi a’ge enebe lo’bok enede en opogulat e, Nis o dakharak ai pam lul holuk e, nis wiak togwi a’ge ’baguarik selakma hebarligen emano, oluk, an o dakharak a’ge yu modok enebit en e, ne’bek wagai erlakma en mo ogwi o.

Holuk e, ap sa en ede Allah omlogo pam he’berik pasu holuk, enelaluk welema a’ge eiye agarik oruak o. A’geat de, ap sa en, at omlogo iak hweliso erlakma en, ebakhenne ukpasu a’ge ogo, elaluk modok welema a’ge ai eiye ema erlak o. We, Allah olot het ebam poluk modok welema o.

Ye, at Musa o leimu aphwami erlakma eba welat, ’gosu ’gela’ge heli’gogo e pam edikpesi ai ’gela’ge, is aphwami yema enede an abat daklau wegi a’ge yu nebam he’berik pouwa a’ge enebe lo’bok enelaluk modok welemagoluk, an asogoat ediknobo hegitsogoat ediknobouwayat o.

At aik en omlogo ebe ede hwedik welat, di a’ge yu a’ge ’berlegat at eiye welemagoluk wogosi o.