Popular Bible Verses from Yohanes 12

Share

Ye, at ap sa en an neragam a’ge welat, ede en e, An Yesus ebagerat taga leik o, oluk epasu holuk e, an weleikmu eba ne’biregat modok wolomogoluk ne’berlik wagalom o. Ye, at ap sa en an nebaget taga lema a’ge ai, naik en at ebe hau do’goksogo worua o, oluk niak demat mo’gulhentegis o,” oluk mo’gulentesi.

Asogo mo’gulentesirik, wene mesik disogo mo’gulentesi, “At ap sa ede en e, An ’gwiangma yema nebe nelaluk wolom nagai, oluk epasu holuk e, pobuk ebe elaluk modok wolom a’ge paget e, nal ema o. A’geat de, at ap sa ede en e, ’Gwiangma yema nelaluk wolom e, nebit, oluk epasu holuk e, at ai pobuk nalom erlakma en elaluk modok welema o.

Ye, is aphwami en, gandum e’gen owi ’gwiangma yogo erlakma, aphwami waragai ai ’gela’ge, agap naduk a’ge muk otluk ’get a’ge ’baktiso erlak holuk e, e’gen mesigat owi yorogwi a’ge aiat welema o. A’geat de, owi ai ’gwiangma yorumu, aphwami waragai ’gela’ge, agap naduk a’ge ai muk otluk nak e, pobuk ’get a’ge ’baktagalat e’gen a’bigat oso yo,” oluk mo’gulentesi.

Ye, is aphwami enede an nebam he’berik pouwa a’ge ’berlegat e, o hiktakma welema no oluk, o dakharak enebaiogoluk an nebe o dakharak enebasu a’ge ’gwiangma yema ’bu egi o.

An ’gwiangma yema ’bu egi ai re, aphwami wene enebam paiogoluk ’bu egi puk. We, enebe delenebiogoluk ’bu egi ai en e, at ap sa en an niak esa’go holholugat de, niak hologo tiso erlak holuk e, an enat wene ebam paik puk. Erlak o.

Asogo no’gukhwe, at hwe Maria en a’bosu onuk narwastu e’ben op a’ge o’go a’bigat ’balogwi a’ge, setengah liter o’go ’bil-’bal Yesus oyuk pam egelik pesirik e, at Maria u’gwarek asu pam horegei. Asogo tegeimu, o ogola ebano e’ben sang-pang egei.

ha’bu ’gela’ge e’gela ’balhegeik woluk e, Yesus ologotma amitmit supsogo liplau wagalat e, disogo egesa, “Nue wa! Nue wa! Nue wa!” oluk u ’gela’ge, “Hosana! Nenaik Allah ’gain Onuk Logo a’ge en nis aphwami Israel a’ge nonue ’gain perakhobou wagama wegen a’ge yu, at enat obaphobuak o,” oluk weni wetil-wetil ’gwigisa.

Asogo mo’gulesi legesema, at Yesus en e, disogo mo’gulentesi, “An abat daklau wegi ano, nebe erliknobua ano arat horok lau waga o.