Popular Bible Verses from KELUARAN 2

Share

Manetualain namanenes, ma nafandele hehelu-balataan no Abraham, Isak ma Yakob. Nita ala tao hataholi Israel-la da'di ata, boema Ana ho'i nakeketuk, fo Ana tulu-falis.

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

Lelek ni'iana ndia matutuaanak so boema, inan fen leo manek-ka anafe'on-na neu. Boema manek-ka anafe'on-na tao ni'iana ndia, da'di ndia ana nakaboboin. Manek-ka anafe'on-na nae, “Au foin na'de Musa, manek-ka anafe'on-na nafa'da nae, nana au ho'i-an neme lee dale mai.”

Manek-ka anafe'on-na nafa'da inak ndia nae, “Ko'o moo ni'iana ia, fo masu'u fen leo au mai; neukose au fe ina ngga'di.” Boema ana ko'o no ni'iana ndia, de nasu'un.

Boema manek-ka anafe'on-na, ana mai. Ana kona leo lee dale neu, fo nadiu oe, ma atan-nala bee la'o lai lee su'un-na. No kaiboik, manek-ka anafe'on-na nita sapaianak ndia, nai hanoe bubuak-ka tala'da, boema nadenu ata inan esa neu ho'i-nan.

Lelek Musa da'di touinak so boema, neu leo hataholi fo ndia leoinan-na. Ana mete nita, lakasetis tao leo beek, fo ala tao bela-ba'uk mabelaina-la. Boeo nita hataholi Masir esa, taonisa hataholi Israel esa. Musa mete leo boboa-kaisun neu, de lelek nita nae hataholi ta mete fan boema, ana taonisa hataholi Masir ndia, de nafuni popolan-na leo solokaek dale neu.