Popular Bible Verses from Marko 9

Share

Jesu a di khuye: “Wa gu dzina! Satshavbo si ngu kodzega ga wule a khodwago.”

Khavbo avbo, babe nya gikhwathana gile a di khusedza lito na gulila ganela, khuye: “Nyi ngu khodwa! Ambari ulo nyi phase, u engedzela gukhodwa gwangu.”

Gikhati Jesu, a bedego nyumbani, vapizane vaye va di mu wudzisa vari venga, khavo: “Khu ginani ethu hi nga tandrega gu li tutumisa?” A di va hakha, khuye: “Maphuvbo nya lifumbu leli ma gu kodzwa basi khu nombelo ni gu hala.”

Munyu khwadi, aholu wa gu phusa wu na lungwa khu ginani? Khalani nenu munyu nya wundruye vbakari nya vathu mu vbanya khu gurula khu gyanu.”

“Oyu a hakhago gyanana nya nga egi khu lina langu, kheni a nyi hakhago. Aholu, oyu a nyi hakhago, kha hakhi eni basi, a gu hakha ni wule a nga nyi rumelago.”

Khu lisine nyi ngu mi embela gukheni oyu a na mi ningago gani khokho nya mati, khu lina langu kholu mu gu vapizane va Kristo, gima kha na nga hamuga tshatshazelo waye.

Gani khu mani a khunguvanyisago moyo nya sanana si khodwago nya nga esi, a diri tshukwana gu hungeledwa thamoni gwaye giwindri nya gikhongolo nya libwe, a rinywa nondrwani.

Ni liso lago la gu khala gikhunguvanyiso gwago li duse vbavbandze, i tshukwana gubela Mufumoni wa Ndzadzini uri ni liso limwedo guvbindra gu rinywa ni maho ya mavili phalani nya nilo