Popular Bible Verses from Marko 14

Share

A di khuye: “Abba, gutshamuselago gupwani Baba! Avbo gwago si ngu kodzega satshavbo, nyi ndreyisele gikombe gegi. Ambari ulo gu nga giregi gugola gwangu, gu na girege gugola gwago.”

Lirelani na mu gu lombelela gasi mu si thegi gusengwani. Hefemulo wu tade khu tshivba, aholu givili gi mwalo tshivba.”

Khu lisine, nyi ngu mi embelani gukheni: Ni evbini yi na gu hevbudwago Ivhangeli yeyi tigoni gwatshavbo, gu na khumbugwa esi a giridego nyamayi yoyu, gasi a alakanywa khiso.”

A di va embela, khuye: “Hefemulo wangu wu tade khu gutshaniseka nya gufe. Khalani avba mu nyi bangaladza.”

Na va gu hodza, Jesu a di dzega gibaba a gi kategisa, a gi pila a ningela ga vapizane vaye, khuye: “Dzegani, hodzani, egi khu givili gyangu.”

Khavbo avbo, a di dzega gikombe a bonga a va ninga va tshiyelana; a di va embela, khuye: “Owu novba wangu; novba nya gidzumeledzwano nya giphya, wu na vbaladzedwago va nya gutala.

Jesu a di va embela, khuye: “Enu mwatshavbo wutshigu wa muhuno mu na khunguvanyega, khu eni, kholu gu lovidwe pwani: ‘Nyi na bayisa muhavisi, dzi phalalega dzinvuta.’

Khugani hi hongole, a ngu vboha oyu a vbwetago gu nyi ningela.”

Jesu a di mu hakha, khuye: “Khu lisine nyi ngu gu embela, wutshigu wa muhuno, u na nyi danga guraru khonge na wu si gu embi guvili.”