Popular Bible Verses from Marko 12

Share

Jesu a di mu hakha, khuye: “Nayo nya guhegule khoyu: ‘Upwa Israyeli! Pfhumu, Nungungulu wathu, khuye enga basi a gu Pfhumu. U na gola Pfhumu Nungungulu wago khu monyo wago watshavbo, khu hefemulo wago watshavbo, khu mapimo yago yatshavbo ni tshivba yago yatshavbo.’ Nya wuvili khoyu: ‘U na gola muthu kwanu nga edzi u dzi golago khidzo uwe mune.’ Mwalo wumbe nayo nya khongolo guvbindra eyi ya mivili.”

Jesu a di rana vapizane vaye, khuye: “Khu lisine nyi ngu mi embelani gukheni noni yeyi nya gisiwana yi ningede guvbindra vatshavbo va ningedego. Kholu avo va di ningela esi si nga va tshalelago, aholu iyo yi di ningela satshavbo yi si thembago muwusiwanani gwaye.”

Jesu na khade vbafuvbi ni wulanga nya ningelo wa Nyumbani ga Nungungulu a di khedzisela edzi vathu va nga bani va gu thela khidzo dzitsapawu gyomboni; sitetema nya singi si di ningela dzitsapawu nya gutale. Aholu a dita nyamayi moyo nya noni nya gisiwana, ata thela nuye singerengere sivili si ninganago likhumi tsapawu.

ni gukhuwe gu vbwetega gu mu gola khu monyo watshavbo, khu mapimo yatshavbo, khu tshivba yatshavbo, ni gukhuwe gu gola muthu kwanu nga edzi u dzi golago khidzo uwe mune, gu ngu phasa guvbindra miningelo ni dzimhamba dzatshavbo.”

Khavbo avbo, Jesu a di va embela, khuye: “Ningelani ga Sezari esi si gu sa Sezari, ni ga Nungungulu esi si gu sa Nungungulu.” Va di samadziswa ngudzu khuye.